Prezidente KI, Virgilio da Silva Guteres hateten, KI halo esforsu ho ministériu relevante sira atu garante direitu votu ba jornalista sira, hodi halo votasaun durante halo kobertura iha fatin estasaun.

"Uluk jornalista tenke fila ba fatin rejistu, maibé agora la presiza tanba pedidu informasaun husi STAE nian ba media ne'ebé hakarak destaka sira-nia jornalista iha sentru votasaun sira ne'ebé fora husi sira-nia fatin rejistu favor hato'o lista pedidu mai KI, para enkamiña ba órgaun eleitorál sira," dehan nia, iha salaun KI, Kintal-Boot, horisehik.

Iha sentru votasaun kada munisipiu iha hotu ba jornalista sira atu bele vota, tanba lei direitu votu ba jornalista KI hatama ona iha STAE.

"Ita servisu ba votasaun ambulante ba jornalista de'it ita hatama ona ba lei revizaun eleisaun ninian jornalsita ba sentru votasaun ruma bele halo votasaun mós iha ne'ebá," tenik nia.

Tanba ne'e, iha loron 27 Janeiru, sei enkontru ho KI ho STAE bele divulga informasaun ba públiku atu bele deside jornalista sira ne'ebé atu ba destaka iha munisípiu hodi bele hetan legal.

Maski nune’e, jornalista tenke iha karteiru profesionál ne'ebé lei asegura mak KI verifika fali hafoin enkamiña ba STAE.

Alende ne'e mós KI observa durante iha tinan kotuk kampaña sempre mosu dez-infomasaun iha média plataforma dijitál, nune'e KI sei buka atu identika karik mosu bele informa ba públiku tanba laiha fonte legál autentiku.