Sexta, 24 Setembru 2021 | Login
Regra Prevensaun surtu Covid-19. Regra Prevensaun surtu Covid-19.

Kazu Foun Covid-19: Feto 23, Mane 15, Ativu Sa’e Ba 536 Featured

DILI:Sala Situasaun Sentru Integradu Jestaun Krize (SIJK) relata ohin loron 11 fulan-Abril, deteta kazu foun na’in 38.

Kordenador Forsa Tarefas no Mitigasaun Surtu Covid-19 iha Timor-Leste, Rui Maria de Araujo hatete, kazu foun na’in 38 ne’e iha mane na’in 15 no feto na’in 23.

"Husi kazu konfirmadu sira nee hotu laiha simtomas ka asintomatiku,"dehan nia iha komunikadu (11/04).

Nia esplika, husi kazu foun nain 38 nee iha munisipiu Dili iha nain 27.Nunee kazu positivi iha Dili hahu husi loron 7 marsu too loron 11 fulan abril kazu detetadu hamutuk 823.

Ho baze ba informasaun ne’ebé disponivel, ekipa konjunta saude halo fali revizaun ba foku propagasaun ka cluster iha Munisipiu Dili, suku neebe sai nudar area geografika neebe uza hanesan baze atu hare ligasaun entre kazu no ligasaun ho expozisaun ba fonte infesaun.

Entretantu iha Munisipiu Baucau deteta kazu foun na’in 1. Kazu konfirmadu ne’e viajem husi Dili. Nunee iha munisipiu Baucau kazu detetadu hamutuk na’in 36.

Iha munisipiu deteta tan kazu foun nain 1. Kazu konfirmadu nee halo viajem husi Dili. Kazu foun na’in 2 husi munisipiu Ainaro, kazu konfirmadu nee mos viajem husi Dili. No mos iha munisipiu Ermera iha kazu foun nain 7. Kazu konfirmadu hirak nee mos viajem husi Dili. Ho nunee kazu foun ba ohin loron hamutuk nain 38, kazu rekuperadu nain 33 no kazu ativu neebe iha sala izolamentu hamutuk 536.

 

Jornalista: Saturnina da Costa

Editor: Jose Sarito Amaral

Read 515 times
Rate this item
(0 votes)