Númeru kazu ne’e maioria rejistadu iha kapitál Dili ne’ebé hamutuk hotu 2.027, tuir Manatutu ho kazu 159, Manufahi ho kazu 128, Baukau 125, Kovalima 113, Lautém kazu 104, Ermera 90, Likisa kazu 89, Aileu kazu 85, Viekeke kazu 57, Ainaru kazu 43, Bobonaru kazu 41, RAEOA ho kazu 3.

“Husi dadus ne’e hatudu, kazu dengue espalla ona iha territoriu TL tomak, no kazu mate espalla ona iha munisipiu 9, ne’ebé kazu hamutuk sa’e ba 35,” Komunikadu MS iha Domingu (13/03).

Munispiu 9 ne’ebé rejista ona kazu mate mak hanesan, Dili 18 barak liu, tuir Ermera ho kazu 4,Kovalima 5, Aileu 2, Ainaru 2, Baukau 1, Manatutu 1, Manufahi 1 no Viekeke 1.

Iha kapitál Dili postu Administrativu Dom Aleixomak kontinua rejiska dengue as liu ne’ebé mai ho númeru kazu 1.093, hafoin postu administrativu Kristu Rei ho kazu 389, tuir postu Administrativu Na’in Feto 266 no Vera-Cruz 235.

“Husi kazu ne’e hatudu, kada loron kontinua sa’e makaas iha Dili laran, nune’e loron ba  loron kazu sei espalla nafatin ba iha postu sira seluk,” subliña.

Ministériu Saúde kontinua informa ba públiku atu aprezenta an iha fasilidade saúde sira ne’ebé besik bainhria sente isin-manas ka laran-sa’e, liman ain sikun moras, atu bele hetan atendimentu husi médiku sira.