Tanba ne’e, Sekretáriu Estadu Formasaun Profesional no Empregu husu ba joven sira ne’ebé tuir ona teste skill atu ba servisu iha Korea Súl tenki hatudu disiplina no tuir regras ne’ebé iha.
“Estadu korea nia regra ka prosedimentu hodi teste joven sira ne’ebé atu ba servisu ne’e makasa tebes tan ne’e husu ba jovem sira atu tau as disiplina no prepara an bainhira atu ba tuir teste.
“Estadu korea sira nia regra ka prosedimentu forsa tebes no disiplina ne’e tebes entaun oinsa ita tenki hare prepara ita nia an antes atu tuir ezame, tanba iha observasau ne’e, sira ne’ebé tarde liu minutu lima sira elemina ona,” dehan nia Sekretariu Estadu iha DNEE Bekora, Tersa (14/11).
Governate afirma, tanba teste ne’e realiza husi estadu koreanu iha timor-leste hamutuk na’in sanolu resin rua no joven hamutuk 1.297 ne’ebé antes ne’e liu ona teste ESP topik. Tan ne’e ba sira ne’ebé la tuir regra ka tarde signifika katak esforsu ne’ebé sira halo durante fulan hira nia laran sei labele realiza iha tinan ne’e.
Iha fatin hanesan reprezentante HRD Indonezia no Timor-Leste Park Sehoon hatete, joven hirak ne’e tuir teste durante loron tolu, no tuir observasaun sira nian katak joven sira ne’e hotu-hotu halo teste di’ak.
“Teste ida ne’e hala’o durante loron tolu kada tuir ha’u nia observasaun hotu-hotu la’o di’ak hela, entau ha’u fiar katak maioria bele pasa maibé ita sei hare rezultadu iha loron 29 fulan-Novembro tinan 2023 maibé depende baa mi nia prosesu evaluasaun enatu dalaruma sei iha muda tan loron tuir mai,” dehan nia.
Nia afirma, iha skil test ne’e fahe ba prosesu tolu hanesan fiziku/ skil báziku hanesan lori karosa hodi hare sira nia forsa no entervista hodi halo filmajen ba kada kandidatura hodi haruka ba emprezariu sira iha korea.
