Vitória ne’ebé ekipa “matan malirin” alias Karketu Dili konkista, sabadu foin lalais, lori sira ba lidera provizóriu tabela klasifikasaun LFTL epoka 2025 ho pontus tolu no golu ida.

Iha inisiu jogu arbitru fó orientasaun liu husi arbitru nia lian, ekipa rua lansa kedan kontra atake ba malu tuir tékniku no tatika ne’ebé ekipa rua iha.

Nune’e, Jogu ekipa rua ne’ebe hala’o ho emosaun ne’ebe makas liu tan, iha estádiu, adeptus husi ekipa rua tuir iha tribun hodi fo suporta ba ida-idak nia ekipa liu husi hakilar no haklalak ba sira nia ekipa favoritu.

Suporta husi adeptus, ekipa rua hatudu jogu ho intensidade boot ho sofrimentu ida ne’ebe difisil, tanba luta iha kampu laran la’ós halimar, tanba ekipa ida-idak luta  hakarak fó vitória ba ida-idak nia ekipa iha jogu primeira parte ni’an.

Iha jogu entre ekipa jigante rua desde inisiu jogu ekipa rua ne’ebe hala’o jogu ho atrativu tebes hodi halo kontra atake ba malu, Karketu ne’ebé tun ho nia jogador estranjeiru na’in lima ho jogador selesaun nasional balun, iha klubu AD SLB ne’ebe mak tun de’it ho nia jogador lokál deit.

Maske tun ho jogador lokal de’it, ekipa SLB lansa atake ne’ebe maka’as ba ekipa  Karketu, maibé kontra atake sira ne’e trava husi jogador Karketu no sutu balun ne’ebé ekipa SLB nia avansadu lansa seidauk kona alvu.

Nune’e, ritmu jogu Karketu tenta hamate SLB nia jogu, maibe parte defeza AD-SLB solidu halo Karketu susar atu ultrapasa, maske avansadu husi Karkertu konsege lansa sutu ba guarda rede AD-SLB, maibe sutu hirak ne’e mos seidak kona alvu.

Kuaze minitu komesa la’o, ekipa rua mos halo jogu ho intensidade ne’ebe boot, nune’e Karkaetu konsege ho ambisaun hodi halo presaun ba nia adversáriu SLB hodi halo golu, maibe defeza adversáriu konsege hamate ba kontra atake sira ne’e, to’o primeira parte termina ho empata (O-0).

Nune’e hakat fali  ba segunda parte jogu, ekipa rua nafatin hatudu kontra atake ba malu ho orientasaun husi treinadór ida-idak atu bele manan jogu refere, hodi asegura pontu tolu.

Tanba ne’e, Karketu nia jogador servisu maka’as liu tan iha kampu laran ho bola ain ba ain, nune’e fo biban ba sira-nia avansadu atu hetan oportunidade barak liu tan, maibe sutu sira ne’e la kona alvu.

Ho rezultadu ida ne’e, jogador husi Karketu komesa halo presaun maka’as liu tan, maibé SLB  nafatin matein displiña jogu iha kampu, tenta uza oprtunidade hodi halo presaun liu husi kontra atake, maibe defeza Karketu mós la fo oportunidade hodi suta ba baliza.

Ritmu jogu Karketu halo to’o iha minutu 51, jogador Assumany Maxuell ho numeru kamizola 7 simu bola husi nia kolega Caudio Osoriu ho numeru kamizola 18 husi liman loos no Assumany uza oportunidade ida ne’e hodi kabesa bola ba rede AD-SLB ne’ebe hein husi Filonito Nogueira la konsege salva ho di’ak.

Husi golu ida ne’e, lori Karketu ba lidera provizoriu jogu ho rezultadu 1-0, maske nune’e, AD-SLB sofre golu, maibé kontinua esforsu  liu husi tatika no teknika ne’ebé sira, hodi nune’e responde golu, halo impata jogu, maibe defeza Karketu solidu, nafatin la fó oportunidade.

Ritmu jogu ekipa rua manas liutan, AD-SLB kontinua tenta atu fo presaun, maibe la iha oportunidade, nune’e mós Karketu hasae liu tan intensidade jogu atu aumenta tan golu, maibe la konsege to’o segundu parte termina rezultadu Karketu Dili Fc 1-0 AD-SLB Laulara.

Purtantu, Jogu ida ne’e lidera husi arbitru prinsipal Francisco pereira, juiz liña Antonio Carvalho no Henrique pereira no arbitru rezerva Pedro Braga.

AD-SLB kontra Karketu Dili harame adeptus

Purtantu, jogu dahuluk LFTL entre klubu primeira Divizaun AD-SLB Laulara kontra Karketu Dili fc harame adeptus, iha estadiu minisipál Manatuto.

Treindor AD-SLB Laulara, Efrem Dos Santos hatete, sira preparadu maibe triste oituan, tanba aban sira sei joga ho jogador lokal, tanba sira nia jogador estranjeiru seidauk bele mai reforsa ekipa.

“Ami preparadu ho di’ak, maibe triste oituan,tanba ami la’o ho jogador lokal tanba ami nia jogador Mouzinho de Lima ho Jogador Estranjeiru nain rua husi Rusia no kolombia seidauk bele mai hamutuk ho ami ba jogu aban, maibe kontra Karketu Dili FC jogu minutu 90 mak sei determina rezultadu,” Dehan Treinador Prinsipal AD-SLB, liu husi komferensia imprensa, iha edifisiu LFTL Kaikoli, Sexta (23/05).

Nia hatete maske AD-Slb avansa ba jogu primeiru, maibe  jogador prinsipal Mouzinho Bareto seidauk bele  hamutuk ekipa tanba sei iha hela estranjeiru.

“Ami nia jogador balun seidauk kompletu, tanba Mouzinho Bareto seidauk mai junta ho ekipa, nune'e nia mai sei joga iha SLB no mos ami nia jogador estranjeiru na'in rua sei iha prosesu mak jojador iha husi Rusia no ida husi Colombia,”Nia relata.

Nia hatutan, maske avansa deit ho jogador lokal, maibe desizaun hotu atu manan ou lakon sei termina iha 90 minitus no bainhira jogu la’o tarjetu mak tenke manan hodi hadau pontus tolu ba primeiru jogu.

Nune'e, kapitaun klubu AD SLB Laulara, Filomeno Junior Da Costa informa, tarjetu ba jogu aban (sabadu) kada ekipa hakarak hetan rezultadu pozitivu inklui AD SLB Laulara ho Karketu Dili FC.

“Tarjetu ba jogu aban (sabadu) kada ekipa hakarak hetan rezultadu pozitivu inklui AD SLB Laulara ho Karketu Dili FC,  tanba ne’e ba jogu aban ne’e ami preparadu ona 90 minutu mai sei determina saida mak sei akontese iha kampu laran,” Nia informa.

Iha fatin hanesan, Treinador Karketu Dili Fc, Bernard Teye hatete, Karketu prontu ona atu hakat ba jogu kontra AD-SLB.

“Ami preparadu ona, nune’e aban hasoru AD-SLB Laulara, ami sei hatudu jogu furak, ami hakarak joga atu hetan pontu tolu no manan iha jogu aban,” Nia dehan

Nia hatutan, klubu hotu luta atu hadau  pontu tolu, nu'udar treinadór, hatene katak klubu sei manan  iha jogu kontra AD-Slb  ho skor ne'ebe boot.

“Kona-ba ami nia estratejia ba jogador aban mak sei hare’e iha kampu, maske Karketu mai ho Jogador husi Ghana nain hitu, aban mak hare’e sira sei bele tun hotu ka la’e, tanba jogador diak barak inklui jogador lokal mak reforsa ami nia klubu,” Nia esplika.

Nune'e mós, Kapitaun Ekipa Kakrketu Dili Fc, Daniel Adadi, sira preparadu hodi joga hasoru nia Sira nia adversáriu SLB.

“Ami prepardu ona ba jogu aban, ami nu’udar ekipa zigante iha Timor-Leste, tan ne’e aban jogu ami hakarak manan,” Dehan nia.