JICA Apoia Ekipamentus ITC Ba Sentru Izolamentu Vera Cruz Featured

By Saturnina da Costa Abril 24, 2021 632
JICA  apoiu ekipamentu ITC ba Sentru Inzolamentu  Vera Cruz. Foto.JICA. JICA apoiu ekipamentu ITC ba Sentru Inzolamentu Vera Cruz. Foto.JICA.

DILI:Japaun International Coorporation Agency (JICA) iha  Timor-Leste apoia ekipamentus informatiku no teknolojia (ITC) ba sentru Izolamentu Vera Cruz.

Apoiu hirak ne’e entrega simbolikamente husi Xefe reprezentaativu JICA Timor-leste, Goto Ko, ba Koordenadór Pilar VII (SIJK), Dr. Nilton do Carmo iha loron 16 Abril 2021.

Reprezentante JICA Timor-Leste, Goto Ko hatete, JICA kontinua hamrik hamutuk ho governu Timor-Leste liuhosi Ministériu Saúde (MS) hodi apoiu pesoal saúde Timor-Oan sira hodi kombate surtu Covid-19.

“Hanesan realizasaun hosi komitmentu ne’e, JICA Timor-Leste entrega apoiu ekipamentu ITC nian ba Sentru Izolamentu Vera Cruz, Dili, atu nune’e bele azuda pesoal saude sira hodi halao sira nia servisu administrasaun sira ne’ebe ligadu ho atendementu kazu Covid-19,”dehan nia iha komuikadu ne’ebé Online Independente asesu, Sabado ohin (24/04).

Ekipamentu ITC hirak ne’e mak hanesan, Komputadores, Mákina Printer, Rádiu Komunikasaun, no seluk tan.

Molok ne’e JICA mós fó apoiu ona ekipamentus prevensaun Covid-19 ba Ospital Nasional Guido Valadares (HNGV), Ministeriu Interior (MI) no Ministeriu Turismu Comersiu no industria (MTCI-Sigla portugues).

 

Jornalista:Saturnina da Costa

Editor:Jose Sarito Amaral

Rate this item
(0 votes)

Independente Digital TV