IOM husu Timor-oan tenke iha informasaun klaru molok ba servisu iha rai li’ur Featured

By Cristina Ximenes Fevereiru 17, 2024 1212
Reprezentante IOM iha Timor-Leste, Ihma Shareef. Foto:Media PR. Reprezentante IOM iha Timor-Leste, Ihma Shareef. Foto:Media PR.

DILI: International Organization for Migration husu ba Timor-oan sira ne'ebé hakarak ba servisu iha rai li’ur atu tenke husu informasaun klaru nune'e labele sai vitima iha ema-nia rai.

Reprezentante IOM iha Timor-Leste, Ihma Shareef hatete, nia parte halo enkontru ho Prezidente Repúblika, José Ramos Horta, hodi diskute asuntu varius intrese ba Timor-Leste.

Iha diskusaun ne’e, nia dehan, koalia mós kona-ba Timor-oan ne'ebé ba estranjeiru hodi buka moris ka halo servisu.

Iha kazu balun, nia dehan, Timor-oan ba estranjeiru laiha vistu apropriadu, sai ilegalmente iha estranjeiru no mós Timor-oan sai vitima ba tráfiku umanu.

"Hakarak aproveita oportunidade ida ne'e enkoraja ba ema Timoroan karik hakarak ba rai liur hakarak buka moris di'ak no servisu di'ak iha estranjeiru antes halo viajen tenke buka imformasaun ne'ebé konkreta atu garante viajen tuir lei, labele simu de'it promesa bosok," informa Ihma ba jornalista sira hafoin enkontru ho Prezidente Repúblika, iha Palasiu Prezidensiál Bairu-Pite, Kinta (15/02).

Nia afirma, presiza buka imformasaun ne'ebé klaru nune'e bainhira sai ba rai li’ur labele sai vitima ba tráfiku umanu, no karik hasoru problema buka kontaktu ho embaixada.

“Tanba, governu halo tiha ona servisu barak hamutuk ho autoridade rai liur atu garante seguransa ba Timoroan ne'ebé rai ba rai liur, tanba ne'e husu buka informasaun klaru antes sai ba rai liur nune'e labele sai vitima,” nia afirma.

Entretantu, durante ne’e, Timor-oan barak mak sai ona ba rai li’ur hodi buka servisu. Barak mós mak tenke fila mai Timor-Leste tanba sai vitima ba trafiku umanu.

Rate this item
(1 Vote)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30