Diretór Jerál Formasaun Profesionál no Empregu, Carlito Rasário Cabral liu husi konferensia hatete, traballadór rihun limanulu resin, sei tuir teste iha ida-ida nia munisípiu tan ne'e husu ba kandidatu sira ne'ebé iha Dili tenki fila fali ba ida-idak nia munisipíu hodi tuir teste.
Nia dehan, teste ne'e iha faze rua hanesan faze dahulu mak eskrita no tuir mai mak intervista maibé ba kandidatu ne'ebé pasa iha teste eskrita.
"Ne'ebé faze primeiru ita sei hahú lansamentu iha Rejiaun Administrativa Espesial Oekuse Ambeno (RAEOA) iha loron 24 Fevereiru, nune'e husu ba kandidatu sira ba nia naran tuir lista ne'ebé DNEE prepara ona sei fó sai iha segunda feira fatin teste refere," dehan Diretór Jeral iha Salaun DNEE Bekora, Sábadu (07/02).
Tan ne'e diretór husu ba kandidatu sira ne'ebé mak hela iha Dili no fatin seluk ne'ebé iha interese atu tuir teste ne'e tenki fila fali ba ida-idak nia fatin atu haree ninia naran tuir lista no oráriu ne'ebé husi DNEE fahe tiha ona tuir kada grupu.
"Kandidatu sira ne'ebé atu ba tuir teste sei lori dokumentus hanesan Bileti Indentidade no kartaun eleitorál atu nune'e sai evidénsia ida entre sira nia naran ho lista husi DNEE," nia hato'o.
Diretór informa katak, oráriu ba kada munisípiu ne'ebé Sekretariu Estadu formasaun Profisional no Empregu (SEFOPE) liu husi DNEE fo ona mak RAEOA 24 Fevereiro 2024 fatin iha Hotel Estrela Bintang Lima Oepupo, Aileu Loron 02-03 Marsu Iha Eskola Tékniku Vokasionál Aileu, Manufahi loron 02-03 Marsu fatin iha Salao enkontru Munisipal Manufahi.
Ainaro dia 02-03 Marsu fatin iha EBC Venâncio Feras no Tékniku Vokasinál Gil Oan soru, Covalima loron 02-03 Marsu fatin iha Eskola SMA 02, Manatuto Loron 09-10 Marsu fatin iha eskola Sekundária Geral Kay-Rala Manatuto Vila.
Baucau Dia 09-10 Fatin iha Ginázio/ Baucau, Vikeke loron 09-10 Marsu fatin iha Ensinu Báziku 01 Beloi Vikeke.
Lospalos loron 09-10 Marsu Ginásiu Lospalos, Likisa loron 16-17 Marsu fatin iha Sentru Tokodede, Ermera loron 16-17 Marsu fatin iha Eskola Nino Konis Santana, Gleno Ermera.
Bobonaro loron 16-17 Marsu fatin iha Ginázio Maliana, Postu Administrativu Atauru iha loron 23 Marsu fatin iha Salaun Autoridade Munisípiu no Dili loron 25-27 Marsu ne'ebé sei realizasaun iha GMT.
Enkauntu, teste refere sei realiza direita husi funsionariu SEFOPE ne'ebé iha kada Munisípiu inkliu Nasionál.
