Ministru Obras Públikas (MOP), Salvador Soares dos Reis Pires, kinta ohin (29/4), aprejenta dadus ba Konsellu Ministru kona-ba identifikasaun ba infraestrutura no ekipamentu públiku koletivu ne’ebé hetan estragus husi inundasaun.

Tuir dadus hatudu katak, bee-sa’e estraga estrada 22 no ponte 11.

Tanba ne’e, Governu fó hela apoiu ba família afetada ho produtu alimentár no halo hela planu atu distribui materia sira ba rekonstrusaun ba abitasaun sira ne’ebé estraga.

Analiza mós opsaun realojamentu ba populasaun ne’ebé hela iha área proibidas ne’ebé bele hetan iha área inundasaun no área foho lolon sira ho perigozidade média to’o aas.

Ministru Salvador hatete, levantamentu dadus klasifikasaun husi obra hala’o hela maibé informasaun preliminár sira indika ba projetu reabilitasaun estruturál simples 57 ne’ebé  iha husi kustu inferiór dolar amerikanu millaun $1 no projetu reabilitasaun estruturál komplexa 44 ho kustu estimadu boot-liu dolar amerikanu millaun $1.

Hala’o ona atividade limpeza no normalizasaun no iha projetu oioin ho karáter emerjénsia.

Editor: Jose Sarito Amaral