Sexta, 24 Setembru 2021 | Login
Prezidente INSS Longuinhos Armando Leite. Foto:Independente. Prezidente INSS Longuinhos Armando Leite. Foto:Independente.

INSS Kontinua Halo Pagamentu Ba Empregadór ho Traballador Fakultativu Featured

DILI:Prezidente Institutu Nasional Seguransa Sosial (INSS), Longuinhos Armando Leite informa, sira kontinua halo pagamentu ba empregadór no traballador fakultativu sira.

Enkuantu, apoia subsidiu ne’e, hanesan programa Governu nian hodi haree ba empregadór no traballador fakultativu ne’ebé la hetan rendementu durante komfinamentu obrigatóriu no mós serka sanitaria.

Tamba ne'e, liu husi Institutu Nasional Seguransa Sosial (INSS) rejista ona benefisiariu sira hodi oferese pagamentu tuir konta bankaria ida-idak nian.

“Tuir kalendariu pagamentu ba empregadór no traballador fakultativu sira, ita hahú halo pagamentu faze dahuluk iha loron 7 fulan-Jullu, no faze daruak iha loron 12 fulan-Jullu, nune’e ita kontinua halo pagamentu,”dehan nia ba Online INDEPENDENTE, iha knar fatin INSS, Kaikoli Dili, tersa (27/07).

Nia esplika, entidades empregadór ne’ebé INSS selu ona hamutuk ema 171 ho orsamentu hamutuk dolar amerikanu $1.703.267.19 no traballador husi empreza hamutuk 2.457 ho orsamentu dolar amerikanu $310.859.19.

Aliende, INSS mós halo pagamentu ba traballador fakultativu sira hamutuk 1,364 ho orsamentu hamutuk dolar amerikanu $251.509.05 no despensa kontibutivu hamutuk ema 1.490 ho orsamentu dolar amerikanu $198.755.32.

Entretantu, ba entidade empregadór no traballador fakultativu sira ne’ebé seidauk halo pagamentu, INSS sei verifika hela dadus, hafoin verifika hotu sei halo pagamentu ba sira.

 

Asistente Editor: Saturnina da Costa

Read 269 times Last modified on Kuarta, 28 Jullu 2021 11:39
Rate this item
(0 votes)