INFPN-HNGV Ai-moruk Pursentu 23 Stock Laiha Featured

By Adelaide dos Santos Fevereiru 05, 2024 1239
Ekipa Integradu husi Ministériu Saúde (MS)  atualiza informa ba publiku relasiona ho stok aimoruk iha HNGV no INFPM. Salaun INFPM, Kampu Alor. Foto:Dok/INDEPENDENTE. Ekipa Integradu husi Ministériu Saúde (MS) atualiza informa ba publiku relasiona ho stok aimoruk iha HNGV no INFPM. Salaun INFPM, Kampu Alor. Foto:Dok/INDEPENDENTE.

DILI: Institutu Nasionál Farmasia no Produtu Médiku (INFPM) 23% stock laiha, no Hospital Nasional Guidu Valadares (HNGV) oras ne’e dadaun hasoru krize ai-moruk tanba pursentu 14 (14%)  stock laiha.

Tuir Portavoz Ekipa Integradu husi Ministériu Saúde (MS) Vidal Lopez hatete, ekipa integradu ne'ebé kompostu husi HNGV, INFPM, DNFM no Diresaun Nasionál Rekursu Humanu atu atualiza nafatin kona-ba preokupasaun públiku nian, relasiona ho problema saúde no asistensia médiku nian no estock out aimoruk  no seluk tan.

“Ami tenke atualiza ba povu tomak hodi akompana nafatin servisu tekniku sira ne'ebé la'o loroloron, iha HNGV ita stock out Aimoruk hamutuk 14% no INFPM 23% mak stock out," dehan nia iha INFPM, sexta (02/02).

Stock Aimoruk 14% husi HNGV ne'e nia ekivale 100 ital item ida ne'e tama iha espesial druck, tanba sira klarifika aimoruk ne'e iha vital, esensial, nesesariu no espesial druck.

Espesial druck ne'e espesialista sira mak rekomenda la'ós ema hotu-hotu uza, ne'ebé ida ne'e bazeia ba pedidu husi espesialista rasik,

Tanba ne'e mak, iha HNGV tersiariu nune'e espesialista balun nia pedidu espesifiku, tanba   balun foin eskola hotu mai nia área espesialidade ne'e kompleksu, entaun pedidu ne'e espesifiku ba moras ne'ebé mak nia iha.

Tanba ne'e, stock sempre la hanesan tanba INFPM sustenta iha fasilidade hotu iha territóriu laran tomak, ho nune'e INFPM sempre pursentu ne'e sa'e kompara ho HNGV.

Nia esplika reajente iha HNGV laiha problema bo'ot, maibé reajente item ida ba moras hepatitis mak seidauk fó, maibé sira seluk funsiona hotu ona, maibe konsumaveis iha HNGV  sei stock out nafatin atinje 17%.

Kona-ba rekursu umanu ne’ebé menus iha Komisaun Permanente ba Rekrutamentu Kontratadus (CPRC-sigla Portugés) entrega ona ba HNGV, depois aprovasaun husi Ministériu Saúde aprova pesoal saúde hamutuk 229, no agora dadaun sira hala'o ona sira nia knaar iha HNGV.

Ba Munisípiu sira seidauk tanba foin tama iha faze intervista, tanba totál aplikante hamutuk 2,883, ida ne'e mak totál aplikante ba Munisípiu hotu, maibé husi númeru ne'e sei presiza de'it mak 154.

Agora dadaun Ekipa juri finaliza ona Lospalos, Vikeke, Baucau, Manatutu no Manufahi, ne'ebé fazeadamente sira sei hala'o sira nia servisu iha meiu fevereiru, ne'e sira konklui ona emtermus rekrutamentu ne'ebé la'o hela.

Rate this item
(0 votes)

Independente Digital TV