Governu Sei Selebra Akordu Ho JICA Hadi’a Infraestutura

Maiu 14, 2024

Nasional

Governu Sei Selebra Akordu Ho JICA Hadi’a Infraestutura ^Featured

By Agustino Gama Juñu 22, 2022 420

Ponte Suai kotu. Foto:Dok/INDEPENDENTE.

DILI: Governu liu husi reuniaun Konsellu Ministru (KM), delibera atu autoriza selebrasaun akordu ho kontribuisaun finanseira entre Governu Timor-leste ho Ajensia Kooperasaun Internasional Japoneza (JICA), kona-ba programa reabilitasaun urjente ba infraestrutura ne’ebé aat kauza husi inundasaun.

“Kontribuisaun finanseira husi JICA ne’e ho valór besik dolar amerikanu U$7.400.000,”dehan Ministru Prezidensia Konsellu Ministru, Fidelis Leite Magalhães, iha Palasiu Governu, kuarta ne’e (22/06).

Entrentantu, Governu delibera mós atu autoriza selebrasaun akordu subsidiáriu entre Governu Timor-Leste no Governu Austrália, relasiona ho Programa Parseria ba Prosperidade Inkluziva (PROSIVU).

"Kontribuisaun finanseira husi Governu Austrália ne’e, ho valór besik dolar amerikanu U$25.000.000,”dehan nia.

Enkuantu, kontribuisaun ne’e sei utiliza entre loron 1 fulan-Jullu tinan 2022 no loron 30 juñu 2026.

Ho nune’e, Konsellu Ministrus delibera ona, atu indika Ministru Finansas, Rui Agusto Gomes, hodi asina akordu refere.

Rate this item

(0 votes)