"Ohin Konsellu Ministru aprova projetu kriasaun lei finansas munisipál, lei ida ne’e harii hodi estabelese rejime enkuadramentu orsamentál, finanseiru no kontabilidade públika ba munisípiu sira," dehan Ministru Prezidensia Konsellu Ministru, Fidelis Leite Magalhães, iha Palasiu Governu, kuarta ne’e (22/06).
Governante ne’e dehan, aprovasaun ba lei ne’e, hodi konsidera autonomia finanseira munisipiu, ne’ebé estabelese husi lei númeru 23/2021, loron 11 fulan-novembru, Lei Podér Lokál no Desentralizasaun Administrativa, hodi regula orsamentu munisipál sira nian.
Entretantu, molok ne’e, Parlamentu Nasional aprova ona projetu Lei Eleitoral Munisipál, Poder lokal no mós Desentralizasaun Administrativa, iha loron 21 fulan-setembru 2021.
