"Konvensaun ne'e pretende atu proteje traballadór sira husi nasaun rua ne'e, hodi permite katak durasaun servisu iha nasaun seluk país seluk hanesan, Timor-Leste ou Portugal sei kontabiliza atu kumpri prazu garantia asesu nian ba prestasaun sosial sira ne’ebé inklui iha konvensaun,”dehan Ministru Prezidensial Konsellu Ministrus, Fidelis Leite Magalhães, iha Palasiu Governu, kuarta ne’e (29/06).

Governante ne'e hatutan, konvensaun ne’e hodi garante mós katak, sidadaun sira husi nasaun ida ne'ebé hela iha nasaun seluk hanesan,  Timor-Leste ka Portugal sei hetan direitu seguransa sosiál hanesan, no tenke kumpre kondisaun sira, hanesan ho sidadaun sira husi país ida ne'ebé nia hela ba.