“Atu hatete de'it ba ita-boot sira katak, Governu liu-husi MAPKomS iha prontidaun fó apoiu ba asosiasaun sira, liuliu asosiasaun jornalizmu sira, naran katak jere osan Estadu nia ho di'ak presta konta relatóriu ba Estadu, atu bele garante katak buat hotu la'o ho di'ak ba oin,” dehan nia iha diskursu, bainhira ensera Konferénsia Nasionál TLPU, iha Salaun Delta Nova, sabadu ne'e (19/02).

Enkuantu, Konferensia Nasional Timor-Leste Press Union (TLPU) neebé realiza ho tema "Haburas TLPU, Promove Kualidade Jornalismu”.

Governante nee hatutan, koalia kona-ba atu promove kualidade jornalismu nian, labele ses husi formula 5W+1H ida nee importante tebes. Tanba ida ne'e mak sai save ba jornalista sira, hodi bele promove notisia ho kualidade.

"Ha'u hanoin tema ne'e importante tebes, oinsa mak TLPU bele buras di'ak liu tan, no iha tempu ida ne'e ita fó oportunidade ba Prezidente foun ho nia estrutura tomak atu bele haburas no halo di'ak liutan buat neebé iha tempu kotuk seidauk halo," haktuir MAPKomS.

Enkuantu, Ministru mós fó parabens ba estrutura tomak TLPU nian, ne'ebé iha tempu liuba hetan ona posse no dadaun ne’e estrutura sira kompletu ona, nunee espera bele halo servisu di'ak liutan.

"Ha'u hein katak ho tema ita bo'ot sira nian, ne'ebé atu promove kualidade jornalismu, ha'u hein rezultadu ida nee, husi Prezidente no nia estrutura, bele halo formasaun ba jornalista sira no espera bele halo servisu di'ak liu tan,”hakotu nia.

Entrentantu, Asosiasaun Jornalista neebé dadaun nee eziste iha Timor-Leste mak hanesan, Timor-Leste Press Union (TLPU), Asosiasaun Jornalista Timor-Leste (AJTL) no Uniaun Profisionál Jornalista Timor-Leste (UPJTL).

Asistente Editor: Saturnina da Costa