“Bainhira ami jornalista sira halo kobertura iha terenu, sujere atu públiku labele taka dalan, dala ruma jornalista sira atu hetan fontes, maibé públiku sira la fó informasaun los, nunee mós balun taka odamatan ba jornalista sira,”dehan nia iha salaun Delta Nova, sabado nee (19/02).
Tanba nee, Prezidente TLPU mós husu ba públiku sira bainhira iha interese ba knar hanesan jornalista nian, bele pasa informasaun ba sira no jornalista iha failansu ruma iha terenu, labele julga jornalista sira, maibé hatoo ba iha instituisaun media ida-idak atu bele responde,
Tanba, jornalista hanesan servisu na’in neebé rekolla informasaun iha terenu no labele responde ba julgamentu sira.
Entretantu, tuir observasaun husi jornalista INDEPENDENTE, Jacinto Paulo Fernandes Xavier, hatete, iha HATUTAN. Com, katak, problema neebé jornalista sira infrenta iha terenu mak, fontes sira hili media, bainhira Online no Imprime deit atu halo intervista fontes lakohi koalia, maíbé fontes presiza mak televizaun no m'os difikuldade seluk neebe jornalista sira hasoru mak birokrasia iha protokolu.
“Tanba saída mak notisias nee laiha balansu no laiha kualidade ita hatene hela, mais dala ruma ita ba hasoru fontes, ezemplo, ita atu hatun notisias ida, ita presiza atu konfirma lalais ho fontes neebé relevante ho notisias neebé ita atu hatun, mais dala ruma ita ba konfirma laiha espasu no ladun iha interese atu atende lalais media”.
Asistente Editor: Saturnina da Costa
