Governu Hahú Halo Pagamentu Ba Empregador-Fakultativu 5,371 Featured

By Saturnina da Costa Jullu 01, 2021 989
Empregador no fakultativu ne'ebe rezistu iha INSS atu hetan subsidiu ba programa sosio-ekonomia. Foto: Saturnina/Independente. Empregador no fakultativu ne'ebe rezistu iha INSS atu hetan subsidiu ba programa sosio-ekonomia. Foto: Saturnina/Independente.

DILI: Prezidente Instituto Nasional Seguransa Sosial (INSS), Longuinhos Armando informa, Governu hahú halo ona pagamentu ba empregador no fakultativu hamutuk 5,371.

Enkuantu, dadus empregador no fakultativu sira ne’ebé tama ona iha INSS hamutuk 11,586, husi numeru ne’e verifika ona hamutuk 5,371 no 6,215 sei iha prosesu verifikasaun.

 “Ohin, ita hahú halo ona pagamentu ba empregador no fakultativu ne’ebé sira nia dadus ita verifika ona hamutuk 5,371,” dehan nia ba jornalista sira iha knar fatin, INSS Kaikoli, kinta ohin (01/07).

Husi total emprezariu no fakultativu 5,371 ne’ebé Governu hahú halo pagamentu kompostu husi institutu públiku hamutuk 74, empreza traballador foun sira hamutuk 1,370, fakultativu 3,781 no  empreza foun 146.

Tanba ne’e, Prezidente INSS husu ba empregador no fakultativu ne’ebé seidauk iha kontaktu husi INSS, atu bele konfirma hodi halo verifikasaun ba sira nia dokumentus.

Enkuantu, subsidiu ne’ebé Governu apoiu ba programa sosio-ekonomia mak hanesan, subsidiu ho konta ema seluk nian iha pursentu 70 (70%), subsidiu extraordinariu ba traballador ho konta rasik, ba emprezariu nain rasik, traballador domestika, jerente no mós administrasaun iha pursentu 85 (85%), despensa iha pursentu 6 (6%), subsidiu extraordinariu ba dezempregu iha pursentu 40 (40%), subsidiu extraordinariu ba eletrisidade iha pursentu 50 (50%) no subsidiu extraordinariu ba renda iha pursentu 30 (30%).

 

Asistente Editor: Saturnina da Costa

Rate this item
(0 votes)

Independente Digital TV