Desizaun ne’e Governu foti, hafoin analiza aprezentasaun husi Sala Situasaun Sentru Integradu Jestaun Krize (SIJK) kona ba situasaun epidemolójika surtu Covid-19 iha Timor-Leste.
"Nune’e, bandu sirkulasaun ema sira-nian iha Munisipiu refere no sirkunskrisaun administrativa sira-seluk, exetu iha kazu hirak ne’ebé nia fundamentu forte tanba razaun sira seguransa públika, saúde públika, asisténsia umanitária, manutensaun ba sistema abastesimentu públiku ka razaun seluk ne’ebé presiza atu hala’o ba interese públiku nian,"dehan Ministru Prezidensia Konsellu Ministru Fidelis Leite Magalhães, iha Palasiu Governu, kuarta ne'e (25/08).
iha biban hanesan, Governu renova serka sanitaria iha Munisipiu Dili no Ermera to’o oras tuku 23:59, loron 13 fulan-Setembru.
Aleinde, serka sanitaria ba Suku Naimeco, Postu Administrativu Pante Makasar no Suku Bobometo, Postu Administrativu Oesilo, iha RAEOA, to’o oras 23:59, loron 8 fulan-Setembru tinan 2021.
Ho nune’e, Rezulusaun Governu nian, la inklui iha proibisaun sirkulasaun ida-ne’e indivídu sira ne’ebé komprova vasinasaun kompleta (doze rua) kontra Covid-19 no mós ba labarik sira ho idade tinan 6 mai kraik ne’ebé akompaña individu refere.
Entretantu, tuir dadus husi SIJK to'o ohin (25/08), komulativu kazu konfirmadu hamutuk 15.296, kazu komulativu óbitu hamutuk na'in 52 no kazu ativu iha izolamentu hamutuk na'in 4.052.
Asistente Editor: Saturnina da Costa
