Husi númeru ne’e, iha fulan outubru rejstu kazu hamutuk 564 no iha fulan Novembru hamutuk 285. 

Médiku Jerál Báziku iha Postu Saude Lemkari, Suku Manleuana, Amelia da Costa hateten, iha ne’e kada fulan rejistu ba moras jerál ne’e hamutuk 500 ba leten, maibé numeru IRA mak a’as liu, tuir mai diareia no moras kulit.

Moras infeksaun respiratoriu ne’e maioria afeita ba labarik sira  tinan lima mai kraik, inklui ema bo’ot.

“Moras IRA ne’e kauza husi mear, inus been, halo isin manas ne’e mak sai IRA,” nia hateten ba Jornal Independente, Kuarta (21/12/2022).

IRA ne’e hanesan virus ida, kuandu ema ida hetan ona iha uma laran, ne’e afeita hotu ba ema sira ne’ebé iha uma laran.