FRETILIN husu Bainhira mak Ita Hetan Prezidente Foun ZEESM? Featured

By Ekipa INDEPENDENTE Outubru 02, 2019 4452
Ponte Nofefan Ponte Nofefan

DILI: Hafoin Mari Alkatiri tuun husi kargu Prezidente Autoridade Zona Ekonomi Espesial Sosial Merkadu (ZEESM) to’o ohin loron governu Aliansa Mudansa ba Progresu (AMP) seidauk hetan figura ida hodi troka.

Deputadu Bankada FRETILIN Joaquim dos Santos iha plenaria Parlamentu Nasionál (PN) husu ba governu atu tenke informa bainhira mak hetan Prezidente ZEESM foun.

“Bainhira mak ita hetan prezidente ZEESM nian hodi nune’e politika sosial merkadu ne’e bele implementa, tanba to’o ohin seidauk implementa sosial merkadu tanba foin harii infra-estrutura baziku,” dehan deputadu ne’e, Segunda (30/09).

Iha fatin hanesan, Deputadu CNRT José Virgilio Fereira hatete, preokupasaun povu nian iha RAEOA hatete, infra-estrutura iha ZEESM furak maibé zona ekonomia ne’e la kondis ho povu-nia moris.

“Ha’u husu ba govenru hodi haree situasaun RAEOA, povu sira iha ne’ebá hanesan dikriminasaun ligadu ho partidu politiku,” dehan nia.

Tan ne’e, nia hanoin governu tenke haree ona lideransa di’ak ida ba RAEOA hodi nune’e bele rezolve preokupasaun sira ne’e, tanba zona ekonomia ne’e tanke responde ekonomia povu nian.

Ba kestaun ne’e, Ministru Reforma Lejiszlativa no Asuntu Parlamentár (MRLAP) Fidelis Magalhaes hatete, Primeiru Ministru (PM) Taur Matan Ruak mak sei hato’o.

“Ida lideransa foun ZEESM ne’e iha reponsabilidade governu tomak tan ne’e, presija halo diskusaun konjunta, bainhira iha diskusaun ne’e ona hafoin ba públiku tanba agora prosesu  hela,” dehan nia hafoin plenária PN, Segunda (30/9).

Nia dehan, governu iha interese ida katak prosesu sira tenke la’o lalais hodi responde lalais preokupasaun agora ne’e atu bele solusiona lalais situasaun ida ne’e.

Maibé, Fidelis dehan, buat hotu tenke tuir nia prosesu mais relasiona rekezitu legais sira labele preokupa tanba governu la ultrapassa rekejitu legal sira.

Rate this item
(0 votes)

Independente Digital TV