Objetivu husi semináriu ida-ne'e, atu bele fortifika liu tan koñesimentu bá feto pontensial Munisípiu sira atu bele kompriende koñesimentu klean kona bá oinsá politika IX Governu konstitusionál nian iha desentralizasaun Administrativa ho poder lokál.
Sekretariu Estudu Igualidade Interinu (SEI),Espedito Dias hatete, semináriu ho tema desentralizasaun poder lokál bá feto pontensial sira husi partidu polítiku husi Munisípiu Covalima, Lautém no Vikeke impoortante tebes.
“Ita hotu hatene iha politika durante ne'e kona-ba partisipasaun feto politika iha Parlamentu Nasionál, bele hatudu ona partisipasaun feto boot tebes iha Parlamentu Nasional, maibé iha eleisaun suku tun oituan, tanbá iha periode da-huluk bá feto sai Xefe suku hamutuk 21, periode ida ne'e tun oituan,”Dehan Expedito, iha salaun Kruz Vermelha Bairu-Farmoza, Segunda (29/09).
Tanbá ne'e, husi Sekretariu Estadu Igualidade iha nia politika rasik oinsá mak fó sensibilizasaun politika bá iha partisipasaun feto iha Munisípiu sira sei halo bá iha Munisípiu tolu.
“Ita hotu hatene feto nia potensia boot tebes, tuir observasaun ne'ebé Sekretariu Estadu Igualidade haree katak, presija nafatin partisipasaun feto iha vida politika, hodi fortifika liu tan partisipasaun feto iha politika,ita hein katak ho semináriu sensibilizasaun Administrasaun bá poder lokál ne'e bele hasa’e koñesimentu kona bá sira nia partisipasaun iha vida politika,”katak nia.
Tanbá, nono Governu konstitusionál iha nia politika planu 2027 sei iha preparasaun eleisaun munisipál, agora halo preparasaun feto presija partisipa iha vida politika.
“Semináriu ida ne'e, orador sira husi Sekretariadu feto pontensial ho tema feto prontu lídera, signifika feto mós iha Kapasidade, forsa polítika ida ne'ebé forte lidera hahú husi suku, Postu Administrativu, Munisípiu to'o iha Nivel Nasionál, hanesan ohin ha'u hatete rádiu partisipasaun feto politika iha Parlamentu oras ne'e dau-daun di'ak tebes, hanoin katak tinan oin tuir mai (eleisaun) Prezidente no Parlamentar 2027-2028, partisipasaun feto makas liu iha vida politika,” Nia relata.
Sekretariu Estudu Interinu, ne'e mak objetivu husi Sekretariu Estadu Igualidade realiza semináriu ne'e feto prontu atu lídera ne'e, ho kapasidade koñesimentu klean kona bá Feto lídera husi baze to'o Nasionál.
“Feto labele sente katak kapasidade oinsá mak lidera familia, hare de'it bá oan sira, maibé feto hanesan inan, kaben iha familia, maibé mós partisipa aumenta koñesimentu iha vida politika hodi nune'e bele partisipa atividade politika iha suku, Postu Administrativu, Munisípiu to'o iha Nivel Nasionál,”Nia hatete.
Tanba ne’e, nia apela bá feto sira buka aprende nafatin iha atividade oin-oin Hodi bele partisipa atividade vida politika iha tinan oin.
Iha fatin hanesan, Feto Potensiál husi munisípiu Vikeke, Marcelina da Câmara Cruz hatutan, durante ne’e sira tuir formasaun ne'ebe lidera husi organizasaun CAUCUS PATRIA kona bá oinsá prepara aan iha futuru sai lideransa diak.
“Ami agradese tebes ba CAUCUS ne'ebe durante ne'e apoiu ona, ami liu husi formasaun lideransa nian ba ami feto maluk sira durante loron hanesan bukae ida ba ami ba futuru bele brani foti desizaun rasik,” Nia konklui.
