Sábadu, 23 Outubru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-10-21&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Eroina sira, Maria Gorete ho Merita Alves. Foto Arkivu CNC Eroina sira, Maria Gorete ho Merita Alves. Foto Arkivu CNC

Feto Aten-Brani Sira, Éroina Merita Alves no Maria Gorete Featured

Iha 1975 Merita Alves simpatia tebes ba ispiritu Luta feto foin sae ida naran Maria Gorete ho nune'e liu husi Maria Gorete, Merita Alves sai Membru UNETIM iha 1975.

Hamutuk ho Maria Gorete, Merita Alves ativu liu iha UNETIM too sira na'in rua fahe malu bainhira invazaun mosu iha 7 Dezembru 1975, Merita Alves halai ba Reziste iha ai-laran no Maria Gorete kontinua Reziste iha Vila.

Iha Ai-laran Merita Alves simu karta ida husi Maria Gorete no karta ne’e konsege Lee sai iha Konferensia Fretilin nian iha Herluli fulan Agostu 1977. Iha surat laran Maria Gorete hakerek ba Merita Alves "Ha'u hetan torturasaun oi-oin iha Komarka laran, maibé Kamarada sira tenke kontinua luta too ita hetan Independénsia"

Merita Alves hetan kaptura iha Metinaru 20 Jullu 1978, ABRI sira lori Merita Alves ba Baukau no lori fila mai Dili. Iha loron 22 Jullu 1978 Maria Gorete ba vijita Merita Alves iha nia uma no sira na'in rua konsege ko'alia ba malu kona-ba Luta iha Ai-laran no Vila laran nian. Iha 23 Jullu 1978 ABRI sira lori Merita Alves ba SANG TAI HOO.

Maria Gorete la kastigu ona iha SANG TAI HOO maibé nia tenke "WAJIB LAPOR" Loro-Loron, Merita Alves ho Maria Gorete hasoru malu Loro-Loron iha SANG TAI HOO no sira rua sempre hetan torturasaun no violasaun oi-oin husi SGI no ABRI sira.

Maria Gorete husik nia isin lolon ba Militár Indonézia sira Viola atu Salva nia maluk prizoneiru sira seluk. Loron ida iha SANG TAI HOO Maria Gorete hateten ba Merita Alves "Sira bele Invade ha'u nia isin lolon, maibé sira sei invade ha'u nia fuan no ha'u Klamar"

Iha fulan Agostu 1978, Intel husi BAIS lori Maria Gorete husi nia uma Taibessi, Maria Gorete nia bin. Betty, Hato'o informasaun ba Merita Alves iha momentu ne’e kedas Merita Alves nunka hasoru Maria Gorete too nia hakotu iis.

Tuir Relatóriu Amnesty International (ASA 21/16/85) iha fulan Marsu 1979 Anibal Araújo, João Baptista de Jesus, Leopoldino Joaquim no Maria Gorete, ABRI sira lori sai Dili ba Baukau.

Entretantu iha fulan Agostu 1978, Intel husi BAIS lori éroina Maria Gorete husi nia uma Taibessi, to’o agora la fila.

Éroina Merita Alves, hakotu iis hodi fila ba Nai nia Kadunan Santu iha loron 24 fulan Maio 2021, oras 17:45 iha nia residensia-Kuluhun de Baixo, hafoin hetan tratamentu saúde  iha rai liur.

                                                                                                                                                       

Fontes : Entrevista Marita Alves 2004

Read 227 times
Rate this item
(0 votes)