Enkuantu, husi númeru estudante hirak ne’e kompostu husi siénsia teknolojia na’in 185 no siénsia sosiais no umanidade iha na’in 180.
Tuir Vise Diretór Asuntu Administrasaun Eskola Sekundariu Cristal, Celestino A. Guterres, hateten, ba estudante terseira klase, ne’ebé sei tuir ezame nasional, dahuluk mak sira sei prepara dokumentu komprovativu hanesan setidaun moris nian, sertidaun sarani nian no mós foto ho medida 3×4 tahan rua (2), hakarak la lakoi estudante sira tenki hatama dukumentus.
Nia dehan, iha ambitu ezame nasional, estudante na’in 365 ne’e, sei koloka iha sala 19 ne’ebé prepara ona.
Nune’e, garante katak, sala aula ne’e sufisiente ba estudante sira hodi tuir ezame nasional.
“Ami prepara hela, kria kondisaun ida ne'ebé fó vantazen di’ak ba estudante sira oinsa? sira prepara diak liu ba ezame nasional,”dehan nia ba Online INDEPEDENTE, iha knar fatin, Balide, segunda ne’e (03/10).
Nia hatutan, durante ne'e, professor sira prepara materia ba estudante sira atu tuir ezame nasional no ezame lokal diak tebes.
Ba dahuluk mak estudante sira tenki haree materia pasifiku no daruak mak haree ba materia jeral.
Tanba ne’e, Vise Diretór husu ba estudante sira atu uza tempu didiak hodi estuda, tanba ezame nasional la’os buat fasil.
Entretantu, tuir dadus, professor sira ne’ebé hanorin iha eskola refere, total hamutuk 36, kompostu husi professor permanente na’in ualu (8), kontratadu na’in 16 no voluntariu na’in 12.
