Ema Ida Mate Kompleta Ona Vasina Daruak

By Agostu 31, 2021 483
Koveiru sira prepara atu hakoin ema ne'ebe mate ho Covid-19. Foto:Independente. Koveiru sira prepara atu hakoin ema ne'ebe mate ho Covid-19. Foto:Independente.

DILI: Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, iha sidadaun ida ne’ebé lakon vida hafoin halo tratamentu iha izolamentu maske nia kompleta ona vasinasaun doze daruak.

“Tuir dadus husi Sentru Integradu ba Jestaun Krize (SIJK) iha 26 Agostu 2021, mane ida ho idade tinan 69 ne’ebé simu ona vasina doze kompletu lakon nia vida hafoin hala’o tratamentu iha izolamentu durante loron tolu nia laran,”dehan nia iha komunikadu ne’ebé Online INDEPENDENTE asesu.

Enkuantu, Timor-oan ne’e halo tratamentu iha izolamentu Lahane iha loron 23 Agosto hafoin diagnostikadu sindroma insufisiensia respiratoriu aguda (SIRA) tanba Covid-19.

Matebian ne’e, iha mós istoria stroke hemorajiku nia iis kotu iha tuku 04.30 oras Timor-Leste.

Tanba ne’e, SIJK husu ba populasaun hotu maske simu ona vasinasaun doze dala rua, maibé tenke kumpre nafatin regras prevensaun nian.

Entretantu, tuir dadus husi SIJK, total ema ne’ebé mate ho Covid-19 iha Timor-Leste to’o loron horseik (30/08) hamutuk 64.

 

Asistente Editor: Saturnina da Costa

Rate this item
(0 votes)
Saturnina da Costa

Jornalista Jornal Independente

https://independente.tl

Independente Digital TV