“Sira ne’ebé elejivel atu simu subsidiu hamutuk rihun 8,200, signifika katak, sira ne’e priense ona rekejitus husi Instituto Nasional Seguransa Sosial prepara,”dehan nia iha knar fatin MSSI Kaikoli, tersa ohin (08/06).
Tuir nia, Diresaun Protesaun no Promosaun ba Direiru Ema ho Defisiensia servisu hamutuk ho INSS no Ministeriu Saúde atu haree hodi identifika ema ho defisiensia ne’ebé laiha kapasidade atu halo servisu, nune’e bele hetan direitu asesu ba subsidiu husi Governu.
Nia esklarese, ema ho defisiensia ne’ebé asesu ba subsidiu, barak liu husi Munispiu Baucau ho total hamutuk 2,089, Ermera 1,469, kapital Dili 1,226, tuir mai ho numeru ne’ebé kiik iha Vikeke 734, Likisa 542, Bobonaru 469, Manufahi 377, Ainaru 300, Manatutu 303, Lautem 262, Covalima 179, Aileu 143 no RAEOA 107.
Ho nune’e, orsamentu ne’ebé atu halo pagamentu ba ema ho defisiensia rihun 8,200 hamutuk montante dolar amerikanu $ 1,428,420.00.
Entretantu, Prezidente Instituto Nasional Seguransa Sosial (INSS), Longuinhos Armando Leite hatete, tinan ida ne’e sei halo pagamentu ba idozus no invalides hamutuk rihun 94 ho orsamentu hamutuk dolar amerikanu rihun $16,920.
Asistente Editor: Saturnina da Costa
