Tuir informasaun husi pesoál balun, ne'ebe lakohi fó identidade haktuir, sidadaun Xinés  na'in-18  mai Timor-Leste  balun mai hahú iha loron 9  balun mai iha loron 10, balun mai iha loron 11 no loron 12 fevreiru 2026.

Bainhira to’o Timor-Leste, sidadaun Xinés sira ne'e  aluga uma ida ne'ebé oferese husi kazal Timor-oan ida  iha area Fomentu, Suku Komoro, Postu Administrativu Dom Aleixo Munisípiu Díli.

Hafoin simu informasaun hosi Servisu Informasaun Polisia, Autoridade Seguransa liu hosi Servisu Migrasaun halo kedas fiskalizasaun no identifikasaun ba sidadaun Xinén nain 18, ne'ebé aluga kazal ida  nia uma iha área Fomento.

Iha lokal Xineza sira hela ba, sira hahú instala ekipamentu atu prátika jogu ilísitu online. Nune'e iha sexta (20/2) kalan hale'u tuku 18:06 Otl, ekipa Servisu Informasaun  lokaliza Xineza sira ne'e nia fatin, nune'e halo kedan buska no aprezentasaun ba Xineza sira ne'e.

Maske nune’e, durante prosesu buska no apreensaun ne'e uma na'in ne'ebé sidadaun Xineza sira aluga nia uma  ladun koopera ho ekipa konjunta hodi halo buska no apreensaun.

Tanba ekipa konjunta tama derepente ba nia uma ho nune'e lamenta  hodi diskute malu  ho ekipa konjunta, maibé ikus uma na'in koopera no autoriza ekipa konjunta halo buska no apreensaun.

Iha prosesu buska no apreensaun ne'e ekipa konjunta hetan brankas osan nian ida, komputador kaixa  tolu no meza rua inklui kadeira ne'ebé  prepara atu instala ba  prátika jogu ilísitu online Scaming.

Aleinde ne'e, ekipa hetan mós  evidensia warles, starlink ida no  apreensaun ba sidadaun Xineza nain-18 nia dokumentu komprovativu hanesan Pasaporte.

Hafoin  remata buska no apreensaun ba sidadaun Xineza sira ne'e, ekipa konjunta lori kedan Xines sira ne'e inklui kazál na'in ba uma lori ba iha edifisiu DSIK Komandu Jerál PNTL Kaicoli hodi halo identifikasaun.

Durante prosesu identifikasaun oras-12 iha  DSIKN  Komandu Jerál PNTL Kaikoli, bainhira remata identifikasaun lori fila sidadaun Xineza no kazal ba nia rezidensia hein prosesu tuir mai.‎

‎Ekipamentus hirak ne'e maka hanesan, Safety Box (brankas tau osan 1), modem wireless 1, Komputador PC hamutuk 12, meja desktop 2, meja kik 3, kama andar 10, spring bed 20 ne'ebé iha kuartu 6 nia laran.

‎Enkuantu, suspeitu 18 ne’e hamutuk ho evidensia entrega ona ba DSIK lori kedas ba Komandu Jerál PNTL hodi submete ba prosesu investigasaun n  e’ebe klean liutan.