Dadus UNICEF 2016: Labarik 67.866 Hala’o Atividade Ekonomíku Featured

By Joenaca Da Conceicao Outubru 29, 2020 2346
Labarik faan mantolun iha kapital Dili. Labarik faan mantolun iha kapital Dili.

DILI: Tuir dadus tinan 2016 husi Ajensia Internasionál iha Timor-Leste UNICEF katak total traballu infantil hamutuk 67.866 (16%), ne’ebé envolve ativu iha atividade ekonomiku hodi sustenta familia.

Husi númeru ne’e kompostu husi labarik mane 32.995 no labarik feto 34.300. Husi totál ne'e na’in 62.710 mak iha area rural no na’in 4.978 iha area urbanas.

Aliende ne’e, labarik sira ne'ebé tuir eskola de’it hamutuk pursentu 70,7 (70,7%), iha empregu ho eskola 13,2%, iha empregu de’it, 2,9%, laiha empregu ho laiha eskola 13,2%.

Diretora UNICEF Valerie Taton hateten, seidauk iha dadus foun hahú tinan 2017 too 2020.  Tuir planu sei halo peskiza kualitativa hodi aktualiza fali dadus.

Tuir nia katak konsekuensia husi Traballu Infantil bele fó perigu ba isin no bele mate, ne'e bele lori ba daeskravidaun no esplorasaun sexsual ekonomia.

Traballu Infantil mós impede sira atu ba eskola no la kuidadu saúde, limitadu direitu fundamental no amensa sira nia futuru.

"Labarik sira serbisu tanba razaun oioin, dala barak traballu infantil mosu wainhira familia sira hasoru dezafiu inserteja ekonomia, karik tanba kiak, moras derepente de'it tanba kuidadór, ka lakon empregu husi ema ruma serbisu ho salariu prinsipál,"dehan nia bainhira halo intervensaun iha sorumutu halibur dadus traballu infantil iha Timor-Leste, kinta ohin, iha timor plaza.

Nia hatutan, planu balu hala'o ona ba diresaun traballu infantil, planu asaun nasionál atu elimina forma sira husi traballadór infantil iha Timor-Leste.

Diretora ne'e hakerek lalehan peskiza ba traballu infantil ne'ebé hala'o husi Governu Timor-Leste iha 2016 hatudu katak estimasaun husi labarik 68.000 tinan 5 too 17 invole iha forma atividade ekonomia balun.

Entretantu tuir dadus mundiál 2016 hatudu katak labarik na’in 421.655 ho idade 5 too 17 mak hala’o atividade ekonómiku iha area rural no urbanas hodi sustenta familia.

Rate this item
(0 votes)

Independente Digital TV