Segunda, 25 Outubru 2021 | Login
Ilustrasaun afeitadu moras HIV/SIDA. Ilustrasaun afeitadu moras HIV/SIDA.

Maioria Joven 60% Afetadu Moras Hiv/Sida Featured

DILI:Moras Hiv/Sida iha Timor-Leste husi tinan ba tinan kontinua sae tanba joven balun sei kontinua livre halo relasaun seksual. Tuir dadus Ministériu Saúde katak númeru afetadu 1049, maioria joven ho idade 25-44 hamutuk pursentu 60, joven idade husi 15- 24 hamutuk pursentu 28.

Diretór Commisaun Nasional ba Prevensaun Hiv/Sida, Venancio Coelho relata dadus ne’e liu husi seminariu nasional ho tema "Sensibilizasaun Kauza husi Relasaun Seksual Livre Sei Hadaet Moras HIvSida ba Ema Seluk", iha salaun Madre Dominican Motak Laran, kinta ohin.

Venancio esplika katak dadus Ministériu Saúde ne’e desde inisiu husi 2003 too Juñu 2020.

Enkuantu Commisaun Nasional Prevensaun ba Hiv/Sidarasik seidauk iha dadus kompletu tanba sei halo rekapitulasaun molok fó sai ba publiku.

Persentajen ne’ebé afetadu husi Hiv/Sidamaioria iha Dili, tuir fali Munisipio sira iha liña fronteira, hanesan Bobonaro, Suai no Oekusi, Munisipio Baucau.

Moras ne’e tama hotu ona ba Munispiu hotu, maibé seidauk iha dadus husi kada Munisipiu.

Diretór ne’e mós fó atensaun ba joven sira katak moras Hiv/Sidaseidauk iha aimoruk atu kura, tanba ne’e husu ba entidade hotu hotu liuliu joven atu evita relasaun seksual ho livre.

Nia dehan, Timor-oan mate tanba moras Hiv/Sidakuaze na’in 100.

Entertantu partisipante ba workshop, Angelina do Santos sente orguillu tuir programa sensibilizasaun ne’ebé organiza husi komisaun Prevensaun Hiv/Sida.

Tuir nia katak liu husi sensibilizasaun ne’e, nia bele iha koñesementu oinsa bele prevene moras ida ne’e.

"Ha’u sente kontente tanba informasaun ida ne’e importante ba ha’u hodi evita halo relasaun seksual livre ho ema seluk tanba se lae moras at ne bele kontaminadu ba ema seluk no liu husi daun husi tato i ikus mai bele hamosu mate no estraga ba ami nia futuru,"dehan Angelina.

Read 1320 times Last modified on Kinta, 29 Outubru 2020 16:55
Rate this item
(0 votes)