Sexta, 24 Setembru 2021 | Login
Dr. Rui Dr. Rui

Dadus 28 Maiu: Suspeitu Covid-19 Tun Ona Ba Na’in 9 Featured

DILI: Suspeitu Corona Virus Deasses 2019 (Covid-19) ne’ebé hein rezultadu laboratóriu tuun ona.

Agora dadaun na’in sia (9) maka sei hein rezultadu.

Porta Voz Sentru Integradu Jestaun Krize (SIJK) Doutór Rui Maria de Araújo hatete, hahú husi loron 06 fulan-Marsu to’o agora ema na’in 1.565 maka halo ona teste laboratóriu.

“Ema na’in 9 maka sei hein rezultadu laboratóriu no ema na’in 1532 maka nia rezultadu negativu ona,”dehan nia liuhusi konferensia imprensa iha CCD, ohin.

Nia informa, ema ne’ebé sei halo konfinamentu obrigatóriu hamutuk 74, kompostu husi Dili 64 no iha munisípiu sira hamutuk 10. Ema ne’ebé maka halo autokonfinamentu hamutuk 31 kompostu husi Dili 24 no iha munisípiu 7. Ema ne’ebé maka liu ona loron 14 iha konfinamentu hamutuk 2.311 kompostu husi Dili hamutuk 1809 no iha munisípiu hamutuk 502.

Nia mós informa katak hahu husi loron 05-15 fulan Maiu ne’e hasai amostra hamutuk 820 no nia rezultadu 100% negativu.

Nia apela nafatin ba públiku katak maske la iha kazu konfirmadu foun maibé kumpri nafatin distansiamentu sosial, kuidadu ijiene pesoal fase liman bebeik no uza maskara wainhira sai husi uma.

Read 2801 times
Rate this item
(0 votes)