Sexta, 24 Setembru 2021 | Login
PD halo konferensia ba imprensa, iha sede PD Kolmera Dili. Foto Dokumentasaun. PD halo konferensia ba imprensa, iha sede PD Kolmera Dili. Foto Dokumentasaun.

Karta PD ba Xanana: Posibilidade ‘Dada An’ Husi Koligasaun Foun Featured

DILI: Partidu Demokratiku (PD), kuarta ohin halo karta ofisial ba Prezidente Partidu CNRT, Kay Rala Xanana Gusmão hodi esklarese pozisaun apoia “kualker Governu” ne’ebé hetan maioria parlamentár.

Tanba ne’e posibilidade bele ‘dada an’ husi koligasaun foun lideradu husi Xanana Gusmão hodi apoiu “kualker Governu” nune’e bele aseleira desenvolvimentu nasional no konstrusaun estadu no nasaun.

Iha karta ofisial PD nian ba Presidente partidu CNRT Xanana Gusmão esklrese katak, koaligasaun entre partidu politiku ne’ebé, Partidu Demokratiku hola parte nudar meius ida atu viabiliza governasaun ida hodi prense kriteria konstituisaunál artigu 106 hodi forma maioria parlamentár ho razaun ida ne’e maka liu hosi konferensia nasional ne’ebé halo iha loron 20 fulan-fevereiru tinan 2020

Karta ofisial ne’ebé Presidente PD Mariano Assanami Sabino asina reafirma katak Partidu Demokratiku deside hola parte iha koaligasaun entre partidu CNRT KHUNTO PD UDT/FM No PUDD maske nune’e iha loron 29 fulan- Abril tinan 2020 KHUNTO deklara sai husi koaligasaun ho razaun aktu atu mantein no apoiu governu konstitusional

Hafoin iha loron 19 fulan-Maiu tinan 2020 Tribunal Rekursu hasai desizaun kona ba retirada KHUNTO husik koligasaun foun entre partidu neen (6) hodi dehan “julgase nao konstituida a koaligasaun aliansa de maioria parlamentar” ka koaligasaun AMP la prienxe ona maioria parlamentar hodi forma Nono Governu konstitusional

Ho desizaun partidu KHUNTO no Tribunal Rekursu ne’e halo mudansa ba konjuntura politika hodi afeta ba ezjistensia koaligasaun nian maske iha mudansa konjuntura politiku Partidu Demokratiku kaer metin nia prinsipiu katak Partidu Demokratiku ba estadu nune’e hakakak kontribui nafatin ba konstrusaun estadu no nasaun liuhosi dalan politiku hodi garantia nafatin Unidade, Paz, Demokrasia ho Estabilidade ba Timor-Leste

“Tanba iha ona konjuntura politika foun ida ne’e maka partidu demokratiku sei fo apoiu ba kualker governu ne’ebé forma husi maioria parlamentar, nune’e bele aselera desemvolvimentu nasional no konstrusaun estadu no nasaun,”dehan PD.

Ikus liu, PD hato’o mós respeitu tomak no hakuak boot ba maun boot Kay Rala Xanana Gusmão.

Read 5196 times Last modified on Kuarta, 27 Maiu 2020 21:15
Rate this item
(0 votes)