Covid-19: Traballadór Administrasaun Publika Iha Liña-Frente Sei Hetan Remunerasaun Featured

By Saturnina da Costa Juñu 02, 2021 440
Reiuniaun Konsellu Ministru ne'ebe diriji husi Primeiru Ministru Taur Matan Ruak iha Ministeriu Finansas Aitarak-Laran, kuarta ohin (02/06). Foto:Independente. Reiuniaun Konsellu Ministru ne'ebe diriji husi Primeiru Ministru Taur Matan Ruak iha Ministeriu Finansas Aitarak-Laran, kuarta ohin (02/06). Foto:Independente.

DILI:Governu liu husi reiuniaun Konsellu Ministru (KM) aprova dekretu lei konaba kriasaun suplementu remuneratoriu ba traballadór Administrasaun públika lina frente ne’ebé hala’o knar hodi halo prevensaun durante iha pandemia Covid-19.

Projetu ba dekretu lei ne’e aprezenta husi Ministériu Finansas (MF) Rui Augusto Gomes, ne’ebe hetan aprovasaun iha Konsellu Ministru. 

Valór ba suplementu remuneratóriu ne’e sei estabelese liu husi  rezolusaun Governu nian no bele muda tuir grau risku ne’ebé traballadór sira  hasoru. 

Projetu Dekretu lei ida ne’e sei prodúz efeitu sira hahú iha loron 1 fulan-Abríl tinan 2021 ba oin. 

“Fó atribuisaun subsidiu ba iha pessoal sira ne’ebé ita hanaran traballadór iha liña frente, sira hotu ne’ebé fasparte husi Ministériu sira oin-oin,”dehan Ministru Prezidensia Konsellu Ministru Fidelis Leite Magalhães, hafoin reuniaun KM iha Ministériu Finansa Aitarak-Laran, kuarta ohin (02/06). 

Nia esplika, pessoal sira ne’ebe hanaran lina frente mak hanesan, pessoal husi saúde no Administrasaun públika nian, Sentru Integradu Jestaun Munisípiu, sira ne’ebé halo manutensaun ba fatin kuarentena, tau matan ba moras sira, inklui sira ne’ebé lori transporte hodi fó apoiu ba ema moras. 

 

Asistente Editor: Saturnina da Costa

 

 

 

Rate this item
(0 votes)
Last modified on Kuarta, 02 Juñu 2021 20:37

Independente Digital TV