03 Juñu: Kazu Foun Covid-19 Hamutuk 112 Featured

By Saturnina da Costa Juñu 03, 2021 384
Mediku sira ne'ebe atende pasiente Covid-19 iha Izolamentu Vera Cruz. Foto: Media sosial. Mediku sira ne'ebe atende pasiente Covid-19 iha Izolamentu Vera Cruz. Foto: Media sosial.

DILI: Sala Situasaun Sentru Integradu Jestaun Krize (SIJK) relata ohin (03/06) iha kazu foun hamutuk 112.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, kazu foun ne’ebé deteta ohin husi Kapital Dili iha na’in 107, Ainaro 1, Bobonaro 1, Covalima 1, Manatuto 1 no Vikeke 1.  

“Husi kazu foun ohin iha mane na’in 74 no feto na’in 38, sira ne’ebé idade 12 mai kraik iha na’in 4, idade 12-59 iha 106 no idade 60 ba leten na’in 2,”dehan nia liu husi komunikadu, kinta ohin.

Nune’e, proporsaun kazu sintomátiku hamutuk pursentu 3,5.

Entretantu, dadus jeral ba loron ohin iha kazu foun 112, kazu rekuperadu 134 no kazu ativu 2,580. Kompara ho horseik (02/06) iha kazu foun 149 no kazu rekuperadu 177.

Enkuantu, total komulativu kazu hamutuk 7,422.

Husi horiseik (02/06) mai ohin (03/06) teste PCR ne'ebé Laboratóriu Nasionál Saúde halo iha Dili hamutuk 1257, kompostu husi vijilánsia sentinela 36, contact tracing 48, random Screening 40, viájen sai husi serka sanitária husi Dili 780, viájen internasionál 153 no follow up iha kuarentena 100.

Totál testes PCR ne’ebé halo horiseik (02/06)  iha Munisipiu sira seluk, RAEOA no HNGV hamutuk 571 ho detalle hanesan tuir-mai, Baucau 110, Ermera 102, Maliana 61, Maubisse 142, RAEOA 2, Suai 39, Vikeke 19 no HNGV 96.

Informasaun iha izolamentu Vera Crus, ohin halo tratamentu ba kazu detetadu hamutuk na’in 34.

 

Asistente Editor: Saturnina da Costa

Rate this item
(0 votes)

Independente Digital TV