Sexta, 25 Juñu 2021 | Login
Kooperativa Kafe Timor (CCT) oferese kafe u’ut rihun 10 vitima inundasaun liu husi Sekretaria Estadu Protesaun Sivil (SEPS). Foto:Independente. Kooperativa Kafe Timor (CCT) oferese kafe u’ut rihun 10 vitima inundasaun liu husi Sekretaria Estadu Protesaun Sivil (SEPS). Foto:Independente.

CCT Oferese Kafe U’ut Rihun 10 Ba Vitima Inundasaun Featured

DILI: Kooperativa Kafe Timor (CCT) oferese kafe u’ut rihun 10 vitima inundasaun liu husi Sekretaria Estadu Protesaun Sivil (SEPS).

Diretor CCT Xisto Moniz Piedade hatete, kafe u’ut ne’e intrega ba protesaun sivil hodi oferese ba vitima inundasaun sira iha kapital Dili no munisipiu.

“Fundus fornesementu kafe u’ut ba ita nia maluk vitima inundasaun ne’e mai husi Nova zelandia liu husi koperasaun servisu ne’ebe lao kleur ona, tanba ne’e ita hatene katak Timor ne’e gosta hemu kafe no ohin ami mai intrega ba SEPS rihun 10 atu fahe maluk vitima inundasaun sira,” dehan nia ba jornalista sira iha salaun SEPS, Kaikoli, Sesta ohin (07/05).

Nia akresenta, kafe u’ut ne’ebé CCT oferese ba SEPS atu fahe ba vitima inundasaun sira ne’e hamutuk rihun 10, maibé ohin sira fó uluk rihun 5 mai, hafoin semana oin fó tan rihun 5 mai.

Tuir planu kafe u’ut sei oferese mós ba vitima inundasaun sira iha munisipiu Manufahi, Manatutu, no Vikeke.

Entretantu, Sekretaria Estadu Protesaun Sivil (SEPS), Joaquim do Reis Martins Gusmão senti orgullo ho apoio husi CCT tanba bele ajuda ona maluk vitima inundasaun sira.

“Iha faze dahuluk Nova Zelandia liu husi NBCA fó apoiu kafe ba CCT hodi oferese ba vitima inundasaun hamutuk rihun 5 no semana oin sei fó tan rihun 5 mai,”nia dehan.

Joaquim deklara, pakote úmanitaria ne’ebé governo fó ba komunidade afetadus sira dadun ne’e iha mós pakote ida hanaran food item ne’e inklui kafe ho xha iha laran.

Antes ne’e iha fulan-marsu to’o abril CCT  oferese mós kafe u’ut ba igreja Katedral, Dom bosco, Madre sira iha bekora no Igreja Balide.

 

Asisten Editor: Saturnina da Costa

Read 259 times
Rate this item
(0 votes)