Husi pasajeirus na’in 44 ne’e, iha pasajeirus Timor-oan no inklui mós ema estranjeirus balun.
Tanba ne’e tuir observasaun Online INDEPENDENTE nota, bainhira pasajeirus sira ne’e tun husi aviaun ekipa saude dezinfekta kedan sasan ne’ebé sira lori no mós ekipa saude husi Sentru Integradu Jesatun Krize (SIJK), prepara lori sira ba kumpri loron 14 iha kuarentena ne’ebé Ministeriu Saúde prepara ona.
“Aviaun Air Asia husi Malazia ne’e ohin tula pasajeirus hamutuk na’in 44,” dehan reprezentante ANAATL ba Online INDEPENDENTE iha Aeroportu Internasional Nikolau Lobatu, sesta ohin (07/05).
Alende aviaun ne’e sei tula sai fali pasajeirus na’in 43 husi Timor-Leste ba Malazia, husi pasajeirus na’in 43 ne’e iha Timor-oan balun no maioria ema Portugal, no aviaun ne’e chater husi New Internasional Timor Airlines (NITA).
Entretantu jornalista tenta halo intervista ho fontes importante sira iha Aieroportu, maibé sira la fó komentariu.
Jornalista: Camilio de Sousa
Asisten Editor: Saturnina da Costa
