Segunda, 06 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
MEJD fo posse ba Vise-Prezidente Infordepe na'in tolu. foto:Novencio /Independente. MEJD fo posse ba Vise-Prezidente Infordepe na'in tolu. foto:Novencio /Independente.

MEJD Fó Posse Ba Vise-Prezidénte Infordepe Foun Featured

DILI:Ministru Edukasaun Juventude no Desportu (MEJD), Armindo Maia akompaña husi Vise Antonio Guterres fó posse ba Vise-Prezidénte Infordepe foun na’in tolu hodi kompleta estrutura nasionál Infordepe.

Vise-Prezidente foun na’in tolu husi Infordepe mak hanesan, Manuel Pinto, Anastacio Lemos Soares no Rui da Costa Belo.

Ministru Armindo Maia husu ba Vise prezidente ne’ebé hetan nomeasaun hodi halo servisu ho responsabilidade masimu ba knar foun ne’ebé sira simu.

“Momentu ida ne’e hanesan responsabilidade foun no la’os oportunidade husu atu serbisu hamutuk ho diretór no sefi departamentu sira iha kada gabinete hodi servi edukasaun ho diak ba future,”dehan nia ba jornalista sira iha salaun Ian-Martin Infordepe-Balide (07/05).

Governante ne’e hatutan, tomada de posse ne’e mós bazea ba dekretu lei no.4/2011 de 26 de janieru, nu 1 artigu 9, hodi konsidera proposta Prezidente Infordepe, hodi  MEJD nomeia estrutura nasional Infordepe.

Nomesaun Vise-Prezidente sei hala’o kna’ar tuir mandatu ba tinan ha’at (4) hahú husi loron 10 fulan-maiu 2021 to’o loron 10 fulan-maiu 2025 bazea ba lei nu.2 artigu 11 estatutu Infordepe konjunta ho nu.1 artigu 5 no dekretu lei 25/2016.

Vise-Prezidente Infordepe sira ne'e sei hala'o kna'ar iha kada gabinete mak hanesan, Anastacio Lemos Soares asumi vise Prezidente ba gabinete Assuntu Peskiza, Dezenvolvimetu, Monitorizasaun no Avaliasaun, subtitui Ana Jesuina, Rui Da Costa Belo asumi vise prezidente Gabinete Formasaun, Profesional hodi subtitui Arlindo Pinto no Manuel Pinto asumi vise Prezidente Gabinete Formasaun Akadémika subtitui Domingos Martins.

Iha serimónia toma de posse ne'e partisipa mós Vise-MEJD Dr.Antonio Guterres, Diretór Jéral-MEJD, Diretór Nasionál-MEJD nian, Sefi Departamentu Infordepe sira inklui mós funsiónariu sira.

Antes ne’e mós Minsitru MEJD Armido Maia fó posse uluk ona ba Prezidénte Infordepe Manuel Gomes iha loron 09 fulan-fevreiru tinan 2021.

Nune’e ohin fó posse tan Vise-Prezidente na’in tolu hodi substitui  Vise-Prezidente na’in tolu seluk.

 

Jornalista: Novencio do Carmo Vieira

Asisten Editor: Saturnina da Costa

Read 886 times
Rate this item
(0 votes)