Segunda, 06 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Prezidente INSS, Longuinhos Armando. Foto:Dok/Independente. Prezidente INSS, Longuinhos Armando. Foto:Dok/Independente.

Semana Oin, INSS Loke Inskrisaun Ba Rekuperasaun Ekonomia Featured

DILI:Ministériu Solidariedade Sosiál no Inkluzaun (MSSI) liuhusi Diresaun Institutu Nasionál Seguransa Sosial (INSS), iha loron segunda (10/5) sei loke inskrisaun foun ba rekuperasaun ekonomia.

Tuir Prezidénte INSS, Longuinhos Armando Leite hatete, hahú segunda sei loke inskrisaun foun ba traballadór setór privadu no setór públiku sira atu mai rezistu hodi hetan ajudus rekuperasaun ekonomia nian.

“Hahú segunda-feira INSS sei loke inskrisaun foun ba traballadór sira atu nune’e mai rezistu ba pakote subsídiu rekuperasaun atividade ekonomia,”dehan nia iha knar fatin INSS, Kaikoli ba Online INDEPENDENTE, sesta ohin (07/05).

Longuinhos hatutan, programa ba subsidiu rekuperasaun ekonomia nian iha rua, ida mak pre-programa no subsidiu.

Pre-programa mak hanesan, haree liu ba motorista sira ne’ebé sai membru ona ka rezistu ona iha INSS hodi fó subsidiu.

Tanba ne’e, responsabilidade ba MSSI nian mak hare liu ba pakote rekuperasaun atividade ekonomia.

Nune’e MSSI ho MKAE kordena malu ona planu rekuperasaun ekonomia ne’e no iha planu ne’e kontempla medidas ha (4), mediadas tolu (3) iha MSSI nia responsabilidade.

Medidas tolu ne’ebé iha MSSI nia responsabilidade mak hanesan, apoiu subsidiu ba empregu sira no negosiante ambulante, trabalhador sira, motorista no Dona de Casa, nomós setór informal sira.

Husi medida 4 ne’e, medida ida iha MKAE nia responsabilidade mak hanesan sesta bazika. MKAE mak buka jere osan ba sosa hahan sira ne’ebé fa’an iha merkadu nasionál, hodi distribui ba komunidade.

Ho nune’e, Long salienta katak, hanesan tekniku sira prontu atu asegura desizaun husi MSSI nian, tanba iha medidas tolu ne’e sei involve mós seguransa sosial iha prosesu pagamentu.

Entretantu, orsamentu ne’ebé aprova iha Parlamentu Nasional no promulga ona husi Prezidente Repúblika ba rekuperasaun ekonomia nian hamutuk dollar amerikanu tokon $41.5. Osan hirak ne’e sei transfere direita mai pokote INSS nian.

Nune’e MSSI mós agora halo hela diploma ministerial hanesan giaun hodi implementa programa ne’e no iha tempu badak MSSI sei halo konferensia imprensa kona-ba medidas rekuperasaun ekonómika.
Pakote atividade rekuperasaun ekonomia ba ema sira hanesan motorista, dona de casa, negosasiante ambulante, traballadór no empregu sira.

Molok ne’e mós INSS halo uluk ona pagamentu ba sira ne’ebè rejistu ona kuaze hamutuk 300 no kada ema ida simu $170 depende mós ba eskalaun benefisiariu.

Medidas ne’e ajuda mós kompañia sira atu hahú fali ho sira nia atividade negósiu sira, atu ajuda setor informal sira hodi bele rejistu seguransa sosial, no ikus liu mak ajuda kompañia sira selu fali nia traballadór sira.

 

Jornalista: Novencio do Carmo 

Asisten Editor: Saturnina da Costa

Read 2869 times Last modified on Sexta, 07 Maiu 2021 17:38
Rate this item
(0 votes)