“Fundu ne’e sei uza hodi apoiu pagamentu ba labarik no inan-isi-rua sira, liu husi programa Bolsa da Mãe Jerasaun Foun,”dehan komunikadu ne’ebé Online INDEPENDENTE asesu, sabado ne’e (03/09).
Governante ne’e dehan, programa ba asistensia sosiál ne’e nia objetivu mak atu redús malnutrisaun no pobreza iha Timor-Leste ho nia alvu prinsipál mak inan isin-rua no bebé foin moris to’o tinan rua.
Nia dehan, orsamentu millaun dolar australianu $10 ne’e, sei apoiu liu husi Governu Austrália nia apoiu orsamentu direta, adisionál dólar australianu millaun $20 ka aproximadamente dólar amerikanu millaun U$13 ba tinan 2023.
Enkuantu, molok ne’e, iha fulan-Juñu tinan 2021, Governu Timor-Leste liu husi ministru Finansas asina mós akordu apoiu orsamentu direta faze daruak ho montante dólar amerikanu millaun U$5 ba Programa Bolsa da Mãe Jerasaun Foun.
Entretantu, orsamentu ne’e uza hodi finansia ba Programa Rekuperasaun Ekonómiku durante pandemia Covid-19.
