António Gomes Re-eleitu ba Xefi Suku Builale Tinan Hitu Featured

By Domingos Gomes Novembru 13, 2023 1957
Eleisaun Segunda Volta Orgaun Suku , Antonio Gomes Moniz re-eleitu ba lideransa Komunitariu ukun povu Aldeia Liman iha Suku Builale, ba Periodu Tinan Hitu, Segunda (13/11) FOTO: INDEPENDENTE/ Domingos Gomes Eleisaun Segunda Volta Orgaun Suku , Antonio Gomes Moniz re-eleitu ba lideransa Komunitariu ukun povu Aldeia Liman iha Suku Builale, ba Periodu Tinan Hitu, Segunda (13/11) FOTO: INDEPENDENTE/ Domingos Gomes

OSSÚ :  Eleisaun lideransa komunitariu segunda volta, kandidatu António Gomes Moniz ho idade 66, manan maioria absoluta ho votu 518 no kontinua re-eleitu hodi lidera orgaun suku builale ba periodu tinan hitu.

António Gomes Moniz hahú sai lideransa komunitariu lidera ukun iha suku Builale iha tinan 1983 to’o 2023, hafoin ida ne’e iha loron 13 fulan Outubru 2023, povu aldeia lima kontinua re-kandidatu ba kandidatu ba orgaun lideransa suku Builale.

Iha eleisaun orgaun suku primeira volta kandidatu hamutuk na’in haat, inklui feto ida, maibé rezultadu apuramentu final laiha kandidatu ida manan maioria absoluta, nune’e hakat ba segunda volta hela kandidatu nain rua ho naran António Gomes Moniz ho Cesário da Silva de Carvalho.

Tanba ne’e iha loron 13 Novembru tinan ne’e, iha 09:00 povu aldeia lima iha suku Builale hakat ba sentru votasaun kontinua vota iha segunda volta.

Tuir rezultadu apuramentu final ne’ebé CNE anunsia iha suku Builale kandidatu na’in rua António Gomes Moniz manan ho votu 518 hodi halakon nia adversariu Cesário da Silva de Carvalho ho votu 278, tanba ne’e António Gomes Moniz kontinua re-eleitu sai orgaun lideransa komunitariu iha suku Builale ba periodu tinan hitu.

Xefi Suku Builale Re-eleitu António Gomes Moniz hateten, lideransa komunitariu ida ne’e laos laos oportunidade atu orgullu ba rezultadu,  maibé povu hakarak hatudu transfaransia labele iha familiarismu servisu hanesan.

 “Ha’u nia prinsipiu sai lideransa servi povu Builale inan-aman no joven intelektual sira hatene no sente saida mak halo hatudu ona iha tinan 40 ba kotuk, tanba ne’e dezemvolvimentu iha suku Builale kompara ho suku 9 iha postu Administrativu Ossú la’ós diak liu, maibé povu Builale sente duni dezemvolvimentu,” dehan António ba Jornalista INDEPENDENTE hafoin rona rezultadu elisaun segunda volta iha suku Builale (13/11).

Nia afirma, prioridade ba tinan hitu mai sei enkontru regular ho konsellu suku to’o aldeia hodi indetifika difikuldade ne’ebé povu hasoru  hato’o ba governu hodi halo dezemvolvimentu hahu iha nivel adeia to’o suku.

Tanba ne’e, programa mensal ba periodu tinan hitu tau prioridade no halo manutensaun ba dezemvolvimentu kapital sosial iha suku Builale hanesan Edukasaun no formasaun Saúde, Inkluzaun sosial protesaun no solidariedade sosial, Kombatete no libertasaun nasional, Kultura no patrimoniu, Joventude, Desporut, Teknolojia informasaun, Seguransa alimentar  no dezenvolvimentu ekonomika iha suku Builale.

Alende konaba Dezenvolvimentu infraestrutura baziku iha suku Builale mak hanesan, Bee-moos saneamentu, irigasaun, Enerjia eletrika, Telekomunikasaun, ezekuta programa governu kona-ba dezenvolvimentu infraestrutura baziku, Kontinuasaun ba obra pendente no Prontu fo asistensia ba Komunidade sira ne’ebe hetan dezastre natureza.

Ikus liu mak konsolidasaun administrasaun suku builale, hadia sistema atendimentu, Promove kapasitasaun konsellu suku, Kria enkontru regular iha suku to’o aldeia,  Enkaixa komunidade hotu ba aktividade produtiva, Aprejentasaun rezultadu ezekusaun programa,  Aprejenta kustu orsamental ba ezekusaun programa,  Edukasaun sivika, Identifika teritoriu suku no Resenseamentu ba komunidade

“Buat sira ne’ebé hau temi ne’e laos seidauk halo, maibe eziste ona iha suku Builale durante tinan 40 ba kotuk, hau hamutuk ho povu halo ona, agora ba oin tenki aan servi  domin hakribi ba violensia krime grupu atu akontese iha suku Builale,” hakotu nia.

Entretantu, rezultadu apuramentu final elisaun orgaun suku Builale iha segunda volta kandidatu Antonino Gomes Moniz ho votu 518 Cesario da Silva Carvalho 278 no total votu nulu       30 Branku  2, votu validu 793, elitores ne’ebé tuir vota hamutuk 811 la tuir vota 397, tanba ne’e elitores ne’ebé resensiadu ona iha suku Builale 1208 kompostu husiFeto 372 no Mane 439.

Rate this item
(0 votes)

Independente Digital TV

Tuir ami iha Twitter

Kalendariu Notisia

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31