Xefe Suku Hatudara, Manuel Ximenes hatete, aldeia rua ne’ebé seidauk asesu ba eletrisidade mak Aldeia Hatubuti no Aldeia Tuturema.

“Ita nia komunidade iha aldeia rua, durante ne'e seidauk asesu ba eletrisidade no sira uza deit lenti no lilin, enkuantu,  komunidade sira ne'ebe ekonomia maximu uituan sira mak  uza zerador hodi leno sira iha tempu kalan,”dehan nia iha lambitu komemorasaun loron trajedia Balibo Five, sabado ne’e (16/10).

Tuir nia, problema eletrisidade sai hanesan difikuldade boot ida, tanba difikulta komunidade sira nia atividade no impaktu mós ba edukasaun estudante sira nian.

Entretantu, Suku Hatudara iha Aldeia haat mak hanesan, Aldeia Hatubuti, Tuturema, Nuapu no Biatehu.

Total populasaun hamutuk rihun 2.125 kompostu husi Aldeia Hatubuti iha uma-kain 102, Aldeia Tuturema iha uma-kain 82, Aldeia Nuapu iha uma-kain 127 no Aldeia Biatehu iha uma-kain 152.

Entretantu, molok ne’e, Ministru Obras Públika Salvador Eugeniu Pires hatete, Governu sei esforsu hodi aselera projetu eletrisidade bai ha Suku 76.