"Kona ba Stok ne'ebé mak ita iha, abate ho melathion ne'ebé SAMES sosa iha litru 1.400 melathion no abate 1.700 kg, agora dadauk iha ona SAMES,”dehan nia ba Jornalista sira iha knar fatin SAMES, Kampun Alor, kinta (07/04).

Nia hatutan, antes ne’e mós SAMES hetan doasaun husi Governu Australia liu husi nia Embaixadór iha Timor-Leste.

“Embaixadór Australia mós oferese mai ita hamutuk 50 droom, nune'e, droom ninia isin ne'e, abate nian 25 kg no ba melathion ne'e iha litru 20 mak iha laran,”tenik nia.

Ho nune’e, nia dehan, produtu abate no melathion ne'ebé mak tama mai iha SAMES, sufisiente hela hodi atende ba fasilidade saúde no óspital sira.

 “Stok dadaun ne’e iha disponevel hela, stok abate ne'ebé mak ita distribui ona ba Ministeriu Saúde liu husi saúde ambiental, hodi distribui tan ba iha fasilidade saúde sira no ba ita nia komunidade ninia nesesidade hamutuk 1.250 kg, ne'e Abate, kona ba Melathion ne'e hamutuk 1000 Liter ne'ebé mak ita distribui ona ba iha MS liu husi departementu Saude Ambiental," nia relata.

Enkuantu, Diretóra ne’e akresenta, ba ninia definisaun ne'e, depende ba pedidu ne'ebé tama iha SAMES.