'"Tanba ne'e ita husu nafatin atu prosesu dezenvolvimentu rai ida ne'e nian tenke asegura inklusividade, asesibilidade no sustentabilidade ba sidasaun hotu-hotu liliu sidadaun ho defisiensia ne'e iha area remotas iha duni kondisaun atu bele hola parte iha prosesu dezenvolvimentu nasional", dehan nia ba online INDEPENDENTE, ho via telefone, kuarta horseik (18/05).
Nia hateten, tinan 20 Timor-Leste ukun an ona, Ema ho Defisiensia sira liliu iha area rurais seidauk asesu diak ba setór sira hanesan, edukasaun, saúde, infrastrutura, justisa no sira seluk.
“Ema ho defisiensia nafatin iha limitasaun oi-oin, iha difikuldade ba bareira oin-oin hodi bele partisipa iha prosesu dezenvolvimentu iha rai laran,”dehan nia.
Tanba ne'e, ADTL desezu ba prosesu dezenvolvimentu konta husi tinan 20 ba oin tenke asegura, sustentabilidade no asesibilidade ba Ema ho Defisiensia.
"Ha'u hanoin importante liliu ida mos mak tenke kria kondisaun ba \sidadaun hotu-hotu liliu kria kondisaun iha fatin publiku ba Ema ho Defisiensia hodi hala'o atividade negosiu bele livre no independente, tanba ita hakarak dalan publiku sira tenke iha fasilidade ho di’a”k.
ADTL husu ba estadu no governu atu haree sidadaun hotu-hotu hanesan iha dezenvolvimentu, atu asegura ema hotu-hotu nia partisipasaun
Entrentantu Diretór Ezekutivu ne'e lori ADTL no membru sira hotu hato'o parabens ba povu Timor-Leste ba loron nasional restauransaun independénsia RDTL ba dala 20. Liuihusi restaurasaun independénsia ne’e espera sei lori mehi di’ak iha tinan lima mai povu tomak.
