Diretór Ezekutivu ADTL, Cesário da Silva, hateten, atividade ida ne’e, kada tinan Ema ho Defisiénsia sira selebra.

“Orsamentu ne’ebé preve ba atividade sira, hodi selebra loron mundial EhD nian hamutuk montante dolar amerikanu rihun $25,”dehan nia iha knar fatin, Maskarenhas, Balide, kuarta ne’e (23/11).

Nia hatutan, orsamentu ba komemorasaun ne’e, mai husi ADTL nia parseiru sira hanesan, Governu Australia liu husi Partner Human Development (PHD), OXFAM, Plan Internasional Timor-Leste.

Aleinde, Governu Timor-Leste liu husi Ministeriu Solidariedade Sosial no Inkluzaun (MSSI) no Organizasaun Nasaun Unida ba Direitu Umanu (UNHR-Sigla-Inglés).

Iha komemorasaun ne’e, sei hala’o ho atividade sira hanesan, seminariu nasional, marsa no mós pintura.

Marsa ne’e sei hahú husi Jardin 05 de Maiu ba to’o Kolmera, hafoin sa’e fali ba Edifisiu PDHJ, mai fali iha Ministeriu Justisa no liu mai iha Palasiu.

Aliende, iha atividade ne’e mós sei audensia ho Estadu no Governu, liliu Prezidente Repúbliku ho MSSI, MJ no MS.

Entretantu, atividade ba komemorasaun loron mundial EhD ne’e, aleinde, halo iha Dili, sei hala’o mós iha Munisipiu sira hanesan,

Baukau, Lautem, Ermera, Kovalima, no Regiaun Administrativu Espesial Oe-cusse Ambeno (RAEOA), inklui munisipiu sira seluk.