Domingu, 16 Maiu 2021 | Login
Ministru Edukasaun Juventudi no Desportu, Armindo Maia. Ministru Edukasaun Juventudi no Desportu, Armindo Maia.

Aban, Realiza Ona Ezame Trimestri Dahuluk Featured

DILI:Governu liu husi Ministeriu Edukasaun Juventudi no Desportu (MEJD), anunsia ona ezame trimestri dahuluk ba estudante ensinu baziku, sekundaria no ensinu tekniku vokasional sei hahú iha loron aban segunda-feira (19/4).

Ministru Edukasaun Juventudi no Desportu, Armindo Maia hatete, prosesu ezame sei realiza deit iha munisipiu ne’ebé la aplika serka sanitaria, maibé ba munisipiu sira ne’ebé iha zona serka sanitaria governu opta teste sumativu liu husi Online.

“Dia 19 segunda feira hotu-hotu informadu kona-ba ida ne’e ona, soque modalidade atu teste ba trimestral mak lahanesan, ba sira ne’ebé durante ne’e lao normal laiha serka sanitaria hala’o nafatin modalidade eskola teste sumativu. Enkuantu ba sira ne’ebé durante ne’e afeita husi serka sanitaria no konfinamentu, sira halo teste formativu,” dehan nia iha

Nia informa, bainhira situasaun lao normal estudante sira ne’ebé halo teste formative bele mós halo teste sumativu.

“Ida ne’e mak ita fó fleksibilidade ba eskola sira,”tenik nia

Nia akresenta, iha loron hirak liu ba Vise-Ministru MEJD kordena ona atu hahú ho munisipiu Dili tanba laiha ona konfinamentu obrigatoriu.

Nune’e fó orientasaun ba eskola sira no ba profesores sira atu prepara sumariu ba lisaun sira.

Molok ne’e iha loron 31 fulan-marsu tinan 2021, MEJD lansa ona Eskola ba Uma, liu husi Facebook, Televizaun no Youtube.

 

Jornalista: Saturnina da Costa

Editor: Jose Sarito Ammaral

Read 3598 times
Rate this item
(1 Vote)