Sexta, 24 Setembru 2021 | Login
Ekipa Saude halo teste Swab ba populasaun sira. Foto:Dok/Independente. Ekipa Saude halo teste Swab ba populasaun sira. Foto:Dok/Independente.

9 Jullu: Kazu Foun Covid-19 Iha 53, Rekuperadu 42 ho Kazu Ativu 915 Featured

DILI:Sala Situasaun Sentru Integradu Jestaun Krize (SIJK) relata, ohin (09/07) ekipa konjunta saúde deteta tan kazu foun Covid-19 na’in 53, rekuperdu 42 no kazu ativu iha Sala Izolamentu 915.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa, kazu foun ne’ebé relata ohin, iha Dili na’in 32, Baucau 14,  Bobonaro 1, Covalima 1 no Vikeke 4.

 “Total kazu detetadu foun ohin iha mane na’in 33 no feto 20, Proporsaun kazu sintomatiku hamutuk pursentu 11,3 (11,3%),”dehan nia iha komunikadu, sesta ohin.

Husi kazu detetadu foun ohin, ema ho idade 12 mak kraik iha na’in 1, idade 12 to’o 59 iha na’in 52 hanesan ho pursentu 98,1 (98,1%) no idade 60 ba leten ohin laiha.

Entretantu, total komulativu kazu konfirmadu hamutuk 9,9710.

Husi horiseik (08/07) mai ohin teste PCR ne'ebé Laboratóriu Nasionál Saúde halo iha Dili hamutuk 771 ho detallu hanesan, Vijilansia sentinela 7, Contact tracing 101, Random Screening 26, Viájen sai husi serka sanitária husi Dili 614, Viájen internasionál 2 no Follow up iha kuarentena na’in 21.

Totál testes PCR ne’ebé halo horiseik (08/06) iha Munisipiu sira seluk, RAEOA no HNGV hamutuk 269 ho detalle hanesan iha Baucau 81, Maliana 8, Maubise 52, Suai 37, Vikeke 27, RAEOA 1, Ermera 8 no HNGV 55.

Enkuantu, izolamentu Vera Cruz ohin halo tratamentu ba kazu detetadu hamutuk na'in 14, iha area Obstetrisia 3, Medisina interna 8 no Sirirjia 3.

 

Asistente Editor: Saturnina da Costa

Read 223 times
Rate this item
(0 votes)