Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa, kazu foun ne’ebé relata ohin, iha Dili na’in 43, Baucau 4, Manatuto 8, Lautem 5,  Ainaru 1, Bobonaro 1 no Ermera 1.

 “Total kazu detetadu foun ohin iha mane na’in 32 no feto 31, proporsaun kazu sintomatiku hamutuk pursentu 17,4 (17,4%),”dehan nia iha komunikadu, kinta ohin.

Husi kazu detetadu foun ohin, ema ho idade 12 mak kraik iha na’in 4, idade 12 to’o 59 iha na’in 57 hanesan ho pursentu 90,4 (90,4%) no idade 60 ba leten iha na’in 2.

Entretantu, total komulativu kazu konfirmadu hamutuk 9,657.

Husi horiseik (07/07) mai ohin teste PCR ne'ebé Laboratóriu Nasionál Saúde halo iha Dili hamutuk 708 ho detallu hanesan, Vijilansia sentinela 41, Contact tracing 42, Random Screening 17, Viájen sai husi serka sanitária husi Dili 607, Viájen internasionál laiha no Follow up iha kuarentena na’in 1.

Totál testes PCR ne’ebé halo horiseik (07/06) iha Munisipiu sira seluk, RAEOA no HNGV hamutuk 333 ho detalle hanesan iha Baucau 92, Maliana 5, Maubise 117, Suai 35, Vikeke 3, RAEOA 10, Ermera 61 no HNGV 10.

Enkuantu, izolamentu Vera Cruz ohin halo tratamentu ba kazu detetadu hamutuk na'in 11, iha area Obstetrisia 3, Medisina interna 5 no Sirirjia 3.

Asistente Editor: Saturnin da Costa