Tersa, 07 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Teste PCR hatudu rejultadu positivu Covid-19. Foto: Google. Teste PCR hatudu rejultadu positivu Covid-19. Foto: Google.

27 Outubru: Positivu Foun iha Na’in Hitu

DILI: Sentru Integradu Jestaun Krize (SIJK) relata iha loron 27 Outubru 2021, ekipa konjunta saúde rejista tan kazu positivu foun Covid-19 hamutuk na’in hitu (7), kompostu husi Dili na’in neen (6) no iha Baukau na’in ida (1).

Kordenador Forsa Tarefas ba Prevensaun no Mitigasaun iha Timor-Leste, Dr. Rui Maria de Araújo, hatete, númeru kazu detetadu foun nafatin reduzidu ka taxa pozitividade iha 1,7%. Total kazu rekuperadu hanesan ho kazu detetatu foun.

Aleinde, ema ne’ebé hala’o tratamentu ospitalizadu nafatin reduzidu no kazu óbitu laiha.

Nune’e, munisipiu 7 la iha ona kazu ativu no munisipiu 5 seluk ho RAEOA sei iha kazu esporádiku.

kobertura vasina kompletu (doze 2) iha nivel nasional, foin atinji 46,9%.

“Husi totál kazu detetadu foun ohin, iha kazu 4 ka 57,1% mak hatudu sintomas,”dehan nia iha komunikadu ne’ebé Online INDEPENDENTE asesu, kuarta ne’e.

SIJK mós rejista kazu rekuperadu iha loron 27 Outubru 2021 iha na’in tolu (3) no kazu ativu hela na’in 56 iha Izolamentu.

Ho nune’e, kazu komulativu konfirmadu sura husi loron 21 fulan-Marsu tinan 2020 to’o 27 Outubru 2021 hamutuk 19.785.

Enkuantu, total ema ne’ebé mate ho Covid-19 iha Timor-Leste hamutuk 121.

Entretantu, husi horiseik (26/10) mai ohin teste PCR ne'ebé Laboratóriu Nasionál Saúde halo iha Dili hamutuk 237, kompostu husi, Contact tracing na’in 35, Random Screening na’in 193, Viájen internasionál na’in 8 no Follow up iha kuarentena hamutuk na’in 1.

Teste PCR ne’ebé halo iha loron 26 Outubru 2021 iha munisípiu sira seluk, RAEOA no HNGV hamutuk 167.

Enkuantu, total teste PCR iha oras 24 ikus 404. Ida-ne’e hatudu taxa pozitividade 1,7%, iha semana kotuk, 20 outubru, taxa pozitividade iha 3,5 %. Iha Izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu hamutuk na’in 5, kompostu

husi kazu grave na’in 1, kazu moderadu na’in 3 no kazu leve na’in 1.

Read 101 times
Rate this item
(0 votes)