21 Novembru: Kazu Ativu iha Na’in Sia, Rekuperadu Rua Featured

By Novembru 21, 2021 425
Rejultadu teste hatudu positivu Covid-19. Foto:Google. Rejultadu teste hatudu positivu Covid-19. Foto:Google.

DILI: Sala Situasaun Sentru Integradu Jestaun Krize (SIJK) ohin (21/11) relata, kazu ativu ne’ebé hela iha Sala Izolamentu hamutuk na’in sia (9), nune’e kazu rekuperadu iha na’in rua (2).

Adjuntu Kordenadór Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Odete da Silva Viegas, hatete, munisipiu 9 ho RAEOA laiha ona kazu ativu no munisipiu 3 seluk sei iha kazu esporádiku.

“Ohin la rejista kazu foun Covid-19,”dehan nia iha komunikadu ne’ebé Online INDEPENDENTE, asesu, domingo ne’e.

Nia hatutan, kobertura vasina doze kompletu iha teritoriu Timor-Leste hamutuk 55,1%.

Nune’e, total komulativu kazu konfirmadu sura husi loron 21 fulan-Marsu 2020 to’o 21 Novembru 2021 hamutuk 19.819.

Entretantu, iha loron tolu nia laran, hahú iha 18 to’o 20 Novembru 2021, SIJK rejista kazu foun Covid-19 hamutuk na’in neen (6).

Rate this item
(0 votes)
Saturnina da Costa

Jornalista Jornal Independente

https://independente.tl

Independente Digital TV