21 Agosto: Ema Na'in Hat Mate ho Covid-19, Kazu Foun 281

By Agostu 22, 2021 248
Ema mate. Foto:Independente. Ema mate. Foto:Independente.

DILI: Sala Situasaun Sentru Integradu Jestaun Krize (SIJK) ohin (21/08), relata ekipa konjunta saúde rezista tan sidadaun na’in hat mate iha Sala Izolamentu Vera Crus, nune’e kazu foun Covid-19 hamutuk 281.

Kordenador Forsa-Tarefas ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo hatete, sidadaun Timor-oan na’in hat ne’ebé mate, kompostu husi  mane na’in  rua ho idade tinan 74 ho 46 no mós feto rua husi idade tinan 73 ho 36.

“Feto, idade tinan 73, Timoroan, hela iha Dili, iha 20 agostu 2021, diagnótikadu ho sindroma insufisiénsia respiratória aguda (SIRA) tan bá COVID-19 (PCR pozitivu ho CT 36,5).

Matebian sofre mós hipertensaun. Iha

fatin isolamentu Lahane, hala’o tratamentu tuir protokolu ne’ebé iha, maibé matebian iis-kotu horikalan 22H00 tanba falénsia orgaun lubuk-ida(multiple organ failure). Resultadu PCR hafoin iis-kotu hatudu CT 34,9. Familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste,”dehan nia iha komunikadu sabado ne’e.

Mane, idade tinan 74, Timoroan, hela iha Dili, iha 20 agostu 2021, diagnótikadu ho sindroma insufisiénsia respiratória aguda (SIRA) tanba COVID-19 (PCR pozitivu ho CT24,3). Matebian sofre mós hipertensaun. Ihafatin isolamentu Vera Cruz, hala’o tratamentu tuir protokolu ne’ebé iha, maibé matebian iis-kotu horikalan 22H45 tan bá falénsia orgaun lubuk-ida (multiple organ failure). Resultadu PCR hafoin iis-kutu hatudu CT 14,9. Familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste.

Feto, idade tinan 36, Timoroan, hela iha Dili, iha 11 agostu 2021, diagnótikadu iha HNGV ho sindroma insufisiénsia respiratória aguda (SIRA) tan bá COVID-19 (PCR pozitivu ho CT 28,0). Matebian sofre mós diabete. Iha fatin isolamentu Vera Cruz, hala’o tratamentu tuir protokolu ne’ebé iha, maibé matebian iis-kotu ohin dader 03H00 tanba falénsia orgaun lubuk-ida (multiple organ failure). Resultadu PCR hafoin iis-kotu hatudu CT 11,7. Familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste.

Mane, idade tinan 46, Timoroan, hela iha Dili, iha 21 agostu 2021, diagnótikadu iha Emerjénsia HNGV ho pneumonia tanba COVID-19 (PCR pozitivu ho CT 19,8). Enkuantu sei hala’o tratamentu inisiál iha Emerjénsia HNGV tuir protokolu ne’ebé iha, matebian iis-kotu, maizoumenus 11H45 dader, tan bá emobolia pulmonar. Rezultadu PCR hafoin iis-kotu hatudu CT 16,8. Familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste.

Enkuantu, kazu foun ne’ebé relata ohin, iha Dili 212, Manufahi 13,  Bobonaro 2, Manatuto 16, RAEOA 1, Ainaro 2, Baucau 15, Covalima 19 no Vikeke 1.

“Kazu detetadu foun ohin, iha na’in 86 ka 30,6% mak sintomátiku. Iha idade tinan 20 mai kraik na’in 66, idade entre 12-59 iha na’in 201 no idade 60 ba leten na’in 14,” tenik nia.

Kazu detetadu foun ohin, iha mane na’in 176 no feto 105.

Ho nune’e, pasiente rekuperadu loron ohin hamutuk 71 no kazu ativu hamutuk 3.088.

Totál Komulativu kazu konfirmadu sura husi loron 21 fulan-Marsu tinan 2020 to’o loron 21 fulan-Agostus tinan 2021 hamutuk 13.981.

Totál komulativu óbitu iha Timor-Leste hamutuk na’in 46.

Entretantu, husi horiseik (20/08) mai ohin teste PCR ne'ebé Laboratóriu Nasionál Saúde halo hamutuk 512 kompostu husi, vijilansia sentinela na’in 9, contact tracing 241, random screening 20, viájen sai husi serka sanitária husi Dili 128, viájen internasionál laiha no follow up iha kuarentena na’in  114.

Aleinde, teste PCR ne’ebé halo horiseik (20/08) Munisipiu sira seluk, RAEOA no HNGV hamutuk 231 no Izolamentu Vera Cruz ohin halo tratamentu ba kazu detetadu hamutuk na'in 61.

Tanba ne’e, SIJK nafatin pela ba populasaun sira nafatin regra prevensaun no ijiéne individuál ne’ebé Governu hatuur ona, uza maskara, fase liman ho sabaun ka uza dezinfekta ruma, evita kose liman ba matan, inus no ibun no mós labele halibur malu barak.

 

Asistente Editor: Saturnina da Costa

Rate this item
(0 votes)
Last modified on Tersa, 31 Agostu 2021 12:00
Saturnina da Costa

Jornalista Jornal Independente

https://independente.tl

Independente Digital TV