Roman Lilin ba Ó ne’ebé Lahatene Loos iha ne’ebé
KALAN ne’e, kalan 12 Novembru. Hanesan tinan kotuk no tinan kotuk tan ba, sai ona kultura karik, lilin kiik sira lakan iha estrada-ninin. Rai ne’ebé hahú nakukun hafurak liu tan roman lilin ne’ebé forma tutuir malu.
La hatene loos lilin hira mak nabeen ona. La hatene moos ema na’in hira mak liu ona hodi haree ba roman lilin ne’e. Karik sai de’it dezeñu ida, karik mós iha signifikadu seluk. Kada tinan iha 12 Novembru Timor-oan lubuk sai husi ninia uma-laran ho lilin iha liman, sunu no hasa’e orasaun hodi fó onra ba eroi sira ne’ebé mate iha masakre 12 Novembru 1991.
Povu Labele sai Vitima Poder Politiku
DILI: Orsamentu Retifikativu nu’udár nesesidade povu nian, tanba ne’e presiza servisu husi Estadu atu asegura asegura direitu ne’e. Maski nune’e, buat hotu ne’ebé hala’o tenke tuir lei labele politizadu hodi mantein ukun no hadau ukun.
PD-KHUNTO La Hetan Konvite Ba Diálogu
DILI: Prezidente Repúblika (PR) hasai ona karta konvite ba lider partidu polítiku sira. Konvite ne’e derijidu de’it ba Bankada tolu (3) iha Uma Fukun PN, la inklui Partidu Demokrátiku no KHUNTO.
Bloku Koaligasaun Optimista AMP sei Fó Votu Konfiansa Ba OR
DILI: Bloku Koligasaun (BK) husi partidu FRETILIN no Partidu Demokrátiku (PD) sei halo kontaktu polítika ho Aliansa Maioria Parlamentár (AMP) atu bele fó votu konfiansa ba Orsamentu Retifikativu (OR). Nune’e, responde situasaun emerjénsia balun ne'ebé povu sira enfrenta.
Taur iha Ambisaun Atu Ukun
DILI: Presidente Partidu Libertasaun Populár (PLP), Taur Matan Ruak hatete, objetivu husi partidu polítiku hotu-hotu ne’ebé harii ho intensaun atu kaer ukun, hanesan mós ho nia rasik.
“Ha’u loke partidu para atu ba ukun, maibé ema dehan loke partidu atu la ba ukun, ema ne’e bosok”, dehan nia, liu husi diskursu iha konferénsia nasionál PLP ba hametin plataforma bloku Aliansa Maioria Parlamentár (AMP), iha Hotel Novo Turismo, Sábadu (11/11).
Semana Ne’e PN sei Diskute OR
DILI: Parlamentu Nasionál IV Lejizlatura simu ona proposta Orsamentu Retifikativu husi VII Governu. Tanba ne’e, posibilidade semana ne’e sei lori mai iha Plenária Parlamentu Nasionál hodi halo diskusaun no votasaun.
“Ha'u halo ona despaxu de admisaun ba komisaun espesializada sira. Tanba ne’e, tuir prosesu Parlamentu Nasionál ita hein iha semana ne’e nia laran bele halo ona diskusaun iha plenária”, dehan Prezidente Parlamentu Nasionál, Aniceto Guterres, iha Santa Cruz, horisehik.
Governu Bandu Importa Mantolun Husi Indonézia
DILI: Governu Timor-Leste liu husi Autoridade Inspesaun Fiskalizasaun Ekonomia Sanitária Alimentár (AIFESA) seidauk fó lisensa atu halo importasaun mantolun husi Indonézia, tanba deskonfia mantolun plástiku.
PD Husu PR Lú-Olo Hametin Diálogu Ho Lider Na'in Tolu
DILI: Partidu Demokrátiku (PD) husu ba Prezidente Repúblika, Francisco Guterres ‘Lú-Olo’ kria diálogu entre lider partidu polítiku liuliu, Kay Rala Xanana Gusmão, Mari Alkatiri ho Taur Matan Ruak sobre tensaun polítika daudaun ne’e akontese.
Governu Seidauk Hakarak Aprezenta Programa
DILI:Primeiru Ministru, Mari Alkatiri hateten, deputadu sira husu dadus, ne’e duni Governu iha devér tenke aprezenta ho dadus kompletu mak foin aprezenta.
Orsamentu Retifikativu Hamutuk Tokon $200
DILI: VII Governu Konstitusionál liu husi reuniaun Konsellu Ministru (KM) aprova ona Orsamentu Retifikativu (OR) hamutuk tokon $200-resin. Osan ne’e soma hamutuk ho Orsamentu Jerál Estadu (OJE) 2017 ho valór biliaun $1.3-resin sei sa'e ba biliaun $1.6.
More...
Parlamentu Nasionál Seidauk Simu Proposta Orsamentu Retifikativu
DILI:Governu planeia ona atu aprezenta Orsamentu Retifikativu ba Parlamentu Nasionál (PN), Kinta (9/11), horisehik, maibé Órgaun Lejizlativu ne’e seidauk simu proposta OR husi VII Governu.
Tuir informasaun aprezentasaun ne’e adia tanba Primeiru Ministru, Mari Alkatiri seidauk asina proposta Orsamentu Retifikativu ne’e.
CNRT La Fiar Mosu Krize Ekonomia
DILI: Governu submete proposta Orsamentu Retifikativu ba Parlamentu Nasionál ho intensaun atu husu tan osan hodi responde ba nesesidade ne'ebé iha. Maibé, bloku AMP sei rejeita atu halo diskusaun Orsamentu Retifikativu tanba konsidera aktu ida ne’e hanesan asaltu ba Konstituisaun.
FRETILIN: Xanana Tenke Partisipa Diálogu
DILI: Presidente Repúblika (PR) sei halo diálogu ho lider partidu polítiku sira atu tuur hamutuk ko’alia kona-ba situasaun polítika iha rai laran. Tanba ne’e, partidu FRETILIN ezije Presidente Partidu CNRT, Xanana Gusmão tenke partisipa iha diálogu ne’e.
Polisia Militár Prontu Apoiu PNTL Asegura Seguransa
DILI: FALINTIL-Forsa Defeza Timor Leste (F-FDTL) liu husi unidade Polisia Militár (PM) prontu nafatin koopera ho Polisia Nasionál Timor Leste (PNTL) hodi asegura situasaun seguransa iha rai laran.
Independente Digital TV
Trending
Latest
Follow us on Facebook
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261