×

Atenção

JUser: :_load: Não foi possível carregar usuário com ID: 430

JUser: :_load: Não foi possível carregar usuário com ID: 425

Grupo Mulher Parlamentar Hato’o Parabéns ba Feto TL

By Marsu 08, 2017 1781
Feto Timor-oan luta na'in Feto Timor-oan luta na'in

DILI: Grupo Mulher Parlamentar (GMP) hato’o  parabéns ba feto Timor-Leste (TL) ne’ebé komemora loron mundiál feto.

Ho  komemorasaun ne’e, feto timor tenke hadia aan nafatin, hasa’e prestasaun hodi servi familia no nasaun.

Presidente GPM Florentina Smith hatete, loron 8 Marsu hanesan  loron mundial ba feto, espesial feto TL.

Komemorasaun loron importante ne’e hodi kuda dame no domin iha familia ida-idak, fo liman ba malu atu feto sira mos bele envolve iha vida politika hodi kontribui ba dezenvolvimentu nasionál.

“Hau hato’o parabéns ba feto maluk hotu, mai ita fo liman ba malu hodi kuda domin iha família no nasaun atu ita sai nafatin inan ne’ebé di’ak iha familia no nasaun, parabéns ba feto timor”, dehan Florentina  iha plenária, Tersa horisehik.

Ohin loron kazu violénsia doméstika barak mak rejista iha Tribunál, maibé ne’e sei la sai barómetru hodi sukat katak violénsia doméstika aas iha nasaun ne’e.

Violensia domestika iha tinan 10 kotuk, kompara ho agora iha mudansa bo’ot tanba durante ne’e ita hare katak partisipasaun feto hodi envolve iha vida polítika aumenta ba beibeik.

Husi progresu sira ne’ebé ohin loron feto maluk sira atinje, ne’e entidade hotu nia kontribuisaun, mane sira tenke komprende nafatin feto sira hodi suporta nafatin  atu feto bele involve aan iha vida politika.

Durante ne’e reprezentante GPM sempre servisu hamutuk ho Sekretáriu Estadu Mulher suporta nafatin sira atu bele lori susesu ba feto nia kontribuisaun.

GMP mós iha ona planu asaun nasionál liu husi eventu semináriu nasionál atu bele halo iha munisípiu tolu hanesan Aileu, Likisá no Manatutu atu bele halo deziminasaun importánsia feto involve aan iha vida polítika.

Tuir loloos aktividade ne’e realiza iha momentu komemorasaun loron mundial ne’e maibé tanba tempu, aktividade ne’e adia no sei realiza iha fulan  ne’e nia laran kuandu eleisaun prezidensiál remata.

Rate this item
(0 votes)

Independente Digital TV